استفتاء / بنات الجامعة .. !

[شمعة امل]

لاضرورة لها طبعاً صوتت ...وجيت هنا عشان اقول رايي مو تقولين عني متطرفة ..بس انتي شكلك حكمتي خلاص!!!!

البطاقة ليس لها اي ضرورة بالجامعة ولا الكلية ولاغيره...فيه بطاقة العائلة فيها صورة ولي امرك وتكفي

اذا كان هناك تخلف فالتخلف اننا نصدق هاللف والدوران ونمشي معه....ونقول موافقين..هاذي مدخل من مداخلهم رفضنا خلع الحجاب

رفضنا السواقة وغيرها كثير ومابيدهم حيلة قالو خل نفكر بالبطاقة الجامعيه والله يستر من الجاي.........يعني البطاقة الجامعية اجراء

شكلي كل عمره مرميه بالبيت مالها اي داعي ليش اللحين بدو يهتمون فيها؟؟!!!!دخلت الكلية وطلعت مااطلبوها مني الا لم جيت اخذ وثيقة

التخرج...مااظن لها اي اهمية عشان نهتم فيها كل هالاهتمام ونغيرها

ليتهم يفكرون بالاهم من هذا كله وهي بطاقة تحمل صورة ولي الامر اللي يبي يجيب الطالبة ويجي ياخذها اهم من هالشكليات اللي مالها اي

داعي ... اتمنى تفكرين بالسلبيات قبل ماتحكمين ...هذا والله اعلم ..

رايي الشخصي واتمنى مااكون بنظرك جاهليه متطرفة!!!

.

.

مع خالص الود والاحترام

[الذاهبة]

اقتباس:  المشاركة الأصلية كتبت بواسطة شمعة امل     لاضرورة لها طبعاً صوتت ...وجيت هنا عشان اقول رايي مو تقولين عني متطرفة ..بس انتي شكلك حكمتي خلاص!!!! البطاقة ليس لها اي ضرورة بالجامعة ولا الكلية ولاغيره...فيه بطاقة العائلة فيها صورة ولي امرك وتكفي اذا كان هناك تخلف فالتخلف اننا نصدق هاللف والدوران ونمشي معه....ونقول موافقين..هاذي مدخل من مداخلهم رفضنا خلع الحجاب رفضنا السواقة وغيرها كثير ومابيدهم حيلة قالو خل نفكر بالبطاقة الجامعيه والله يستر من الجاي.........يعني البطاقة الجامعية اجراء شكلي كل عمره مرميه بالبيت مالها اي داعي ليش اللحين بدو يهتمون فيها؟؟!!!!دخلت الكلية وطلعت مااطلبوها مني الا لم جيت اخذ وثيقة التخرج...مااظن لها اي اهمية عشان نهتم فيها كل هالاهتمام ونغيرها ليتهم يفكرون بالاهم من هذا كله وهي بطاقة تحمل صورة ولي الامر اللي يبي يجيب الطالبة ويجي ياخذها اهم من هالشكليات اللي مالها اي داعي ... اتمنى تفكرين بالسلبيات قبل ماتحكمين ...هذا والله اعلم .. رايي الشخصي واتمنى مااكون بنظرك جاهليه متطرفة!!! . . مع خالص الود والاحترام

حياك اخت شمعة أمل

أشكرك للتصويت

و عفواً .. أنا لم أتطرق للإيجابيات ولا السلبيات

أرحب بكل آراؤكم ..


للإحاطة ..

إضافة الصورة إلى البطاقة قديم جداً ..

ولا يأتي في مرتبة متقدمة من التدرج في الأمور كما أوضحتي ..

ولا يخفى عليك أكيد .. أن البصمة هي الأكثر تطور حالياً في أنظمة السعودية ..

[بنت المملكة]

[align=center] أهلين الذاهبه..

وأنا برأيي ان الصوره مالها داعي أهم شي الاسم ..واذا كانوا يبون اثبات أحسن البصمه..

وحتى حنا الحين بالجامعه ولا صوره من صور البنات زينه كلها حاطينها صور مو واضحه ما أدري وش امسوين فيها كأن الصوره مضغوطه..

وحتى يقولون اذا شريتوا من جرير عليكم خصم اذا برزتوا البطاقه الجامعيه لان جرير اتسوي خصم على كل طلاب الجامعات..
وعاد على كذا بشوفون صورتي فأحس انها مالها داعي..[/align]

[مــنــال]

اقتباس: رايي الشخصي واتمنى مااكون بنظرك جاهليه متطرفة!!!

الذاهبة كانت تمزح ، ماأعرف لماذا أحيانا ً تأخذون الحديث على غير محمل !!

[شمعة امل]

[align=center]

اقتباس:  المشاركة الأصلية كتبت بواسطة Oo ManaL oO     الذاهبة كانت تمزح ، ماأعرف لماذا أحيانا ً تأخذون الحديث على غير محمل !!

الاخت منال الفاضلة اتمنى ان تهتمي بمحور الحديث ولاتركزي على اشياء ليس لها اي اهمية بالموضوع!!!!!!!!

.

.
مع خالص الود والاحترام[/align]

[مــنــال]

اقتباس: اخت منال في كلية بريدهـ بالتحديد لايسمح للطالبهـ بأن تخرج وترجع بعد نصف سااعهـ او ساعهـ ممنووووووع خلاص دخلتي الصبح ماتطلعين الا الظهر الا بـ استئذان من سكرتيرة العميدهـ

هذا في الكلية بس في الجامعة غير الوضع و لا أنتوا مو زينا ؟؟

عندنا كل البوابات تفتح من الساعة 9 و الخروج كذلك .

اقتباس: بالنسبهـ لوضع الصورهـ في البطاقهـ كما النقاب اصنفها اولها عيون وتاليتها خدود واخرتهــــا الوجهـ كلهـ ... يعني اول شي بطاقهـ بصورهـ ... بعدين الغطاء كبت ... بعدين نبي نسوق ...!

أنا ياأبعاد أشوف هذه " قوانين " و القوانين تحترم في أي بقعه و ماأحب أشكك في هالأمور لطالما أرى أن فيها

مصلحة عامة ، و يمكن لأنني عملت فترة في شؤون الطالبات أخذت خلفية أكبر عن الوضع .

و وضع بعض البنات جدا ً جدا ً مزري !!

و ماأعتقد الجامعة حتعمل لهم قوانين " خاصة " حتى تتجنب مثل هالأمور !!

[عبدالله العنزي]

هلحين البنات مشتكيات على فكره ترا اي انسان يكتب حرف محاسب عليه فليكن النيه صادقه

[بنت أبو عبد الله]

بعيدا عن أسوار الجامعة ..
قررت كلية التربية إصدار بطاقات بدائية ملونة بألوان بشعة لكل طالبة بعد ما بلغنا السنة الرابعة أو السنة الثالثة (لا أذكر)!!
ساهمت في توزيعها على زميلاتي وسط السخرية من الكثير منهن :
يوم خلصنا!!اللحين نبي الوثيقة و هذي ما نبيها!!
و من ذلك اليوم و هي في درج المهملات و التذكارات في غرفتي !!

بنت أبو عبد الله -الله يحفظه-

[صدى الصوت]

شي ضروووووووووووري

ولازم يطبق حتى تثبت البنت هويتها

تحياتي اخووووووووووك صدى صوتها

[Silent Hill]

[align=center]اعتقد اي إجراء يسهل إجراءات المرأة انا معه

وصدقيني اسلوب التدرج الذي تتبعة الحكومة اسلوب ناجح .

والتدرج باي شي مهم لا النفس البشرية تتقبل ولكن تريد تتدرج

من يرفض الان يبي يوافق غداً .

وبطاقة الجامعة مثل البطاقة الشخصية مثل الجواز .

واقرب مثال التامين جعلوه اختيارياً وبعد ذلك اجبروا الناس علية رغم انه حرام[/align]

[اسمر ومملوح]

[align=center]سيدتي الذاهبه ..


اعتقد من الاجدى حفظ حقوق الطالبات بهذا التصرف .. ولكن هذه عادة مجتمعنا يندفعون بـ لا عندما يكون الأمر يخص النساء .. لكن مايلبثون ان يطئطئون الرؤس عندما يصبح الوضع حقيقه ..!!

ليس هناك فرق بينها وبين بطاقة الأحوال المدنيه النسائيه .. لو الزمو الطالبات بإصدار بطاقة احاول لكان افضل من هذه البطاقه الجامعيه ..

في النهاية موضوعك .. اصبح متنفساً( لسحالي ) الجامعه


تحيه وتقدير لقلمك الجميل ..[/align]

[الذاهبة]

مرحبا بالجميع ..

مجرد توضيح بسيط إذا سمحتوا لي :


الاستاذ امرؤ القيس .. دائما ينعت نفسه بــ جاهلي متطرف ..

و احيان : خبوبي متطرف

لذلك .. وردت تلك التسمية ..

يعني الرد خاص بالاستاذ امرؤ القيس ..

و ليس للبقية شأن فيه ..

[الذاهبة]

توضيح 2 :

الغرض من الموضوع .. هو استطلاع للرأي و فقط

لا يتعدى ذلك ..

البعض يعتقد أني مسؤولة أو مكلفة .. أو حتى داعية لهذا او ذاك ..

انا أطرح الموضوع بين أيديكم و رجاءاً لا تحملوني فوق طاقتي ..

و دعونا نخرج بصناديق حوارية راقية ..


اطلعت على اخبار المعهد الجديد في بريدة .. و من ضمن قراراتهم الحديثة ..

سيتم اعتماد طريقة جديدة خاصة بمنسوبات المعهد ..

ألا وهي : تعليق البطاقة الشخصية على جيب كل منهن .. و المتضمنة بيانات المنسوبة + صورتها الشخصية ..

و سيتوقف عليها أجراءات كثيرة ..

منها تحضير الطالبات و دخول الامتحان و الانصراف و اجراءات حسم الغياب .. إلخ


بصراحة رأيي الشخصي :

أفضل خدمات التكنولوجي سيما إذا ناسبت طبيعتي أكثر ..

بمعنى أني أفضّل استبدال تلك البطاقات .. بالبصمة ..

بشرط وجود تقنياتها الخاصة ..

أي تمكين البطاقة و الاستفادة فعلياً منها ..



أذكر ايام الدراسة .. ما خلوا شي ما لطّوا صورنا فيه ..

حتى بالدخلة و الطلعة .. لازم تاخذ صورتي لفة على البوابين و شؤون الطالبات ..

والله العزاير !!

[الذاهبة]

إعلان //

لجميع الأخوة بطيئي الفهم .. سريعي الثوران ..

يوجد قسم خاص بـ صعوبات التعلم ..

* خارج هذا الإطار *

الله يرفق بحالكم .. !

[فور يو]

مالفرق بين وضع صورة الفتاة في جواز سفر

و بين وضع الصوره في بطاقه لإثبات الهويه ...