إن شكينا بكينا .. وإن سكتنا قهر ....!!

[" TWIX "]

بريداويـــهـ ..

اقتباس: ياشينهم لكبروا السوالف وخلوا من الحبه قبه عن نفسي لربما في احايين قليله وبعد ان توصد جميع الابواب من حولي واضيع مفاتيحها ياحبذا لو قابلت رفيقه درب (كاخت او صديقه) افضفض لها عن مكنونات قلبي لكي افكر بحياديه لكنني والله يشهد اقول الصالح والطالح اي عندما اشتكي اقول كذا ولكن الحمد لله على كذا هو مجرد تفضيه خاطر لكي اوزن الامور بميزان العدل فكما تعلم الانسان المشحون مشاعر سلبيه لن يستطيع التفكير بسبب الازدحام والضغط . ومتى ماخف عليه الضغط ولو قليلاً اقام الامور بشكل صحيح

كلام يقوطر عسل فيه ناس معه شهادة دكتوراة ولا تكلم تعد الدقايق متى يقل ( بؤه )
وفيه ناس لما يتكلم تجر الدقايق لا تمشي ما ودك يسكر الشهد اللي ينقط ..
ما أقول : إلا الله يخليك لعين ترجيك كلام عسل في عسل .. (بي طبع مصري لا مدحت أسرفت ) ..

اقتباس: اخي من رايي جميل انزوائك لكن لربما من الافضل ان تجد صديق صدوق تفضي له بمكنونات قلبك وذلك بسبب ان الكتم يسبب الكثير من الامراض مثل (القيلون ,الضغط , السكر , القرحه , ............ ) حمانا الله واياكم منها

لا الحمد لله أكتم ولا أصير علك بحلوق خلق الله
الناس ما وراهم إلا النقنقة والكلام الفاضي .. قلة ممن يعاني معاناتك
أنا قانوني في الحياة : أسحب على العالم أقرب سيفون تريّح وترتاح ..

اقتباس: والافضل ان نتبع قوانين الفضفضه وهي الموضوعيه ومن ثم الموضوعيه

كان لي موضوع عن الفض فضة والمفضفضين
http://www.buraydh.com/forum/showthread.php?t=199355

[امرؤ القيس]

اقتباس: ممكن تسلفني ..؟!

انا ماقلت عندي قروووش انا اقووول بكم الخبز ابشتري باااغه

[وضوح]

اقتباس:  المشاركة الأصلية كتبت بواسطة امرؤ القيس     انا ماقلت عندي قروووش انا اقووول بكم الخبز ابشتري باااغه

طيب لاتدف ..

بس سلف لو هالفتره ... محتااااااجه للبلادهـ ..

[امرؤ القيس]

اقتباس: طيب لاتدف .. بس سلف لو هالفتره ... محتااااااجه للبلادهـ ..

شوفي بوولك وصفه


نامي العصر خمس مرات ليست متتالية بعدين كولي فول شهر متتالي ثم نامي على الجنب اللي مايريحك بعدها باذن الله يتبلد احساسك اكثر مني بمقدار حركتين انشري تؤجري

[وضوح]

اقتباس:  المشاركة الأصلية كتبت بواسطة امرؤ القيس     شوفي بوولك وصفه نامي العصر خمس مرات ليست متتالية بعدين كولي فول شهر متتالي ثم نامي على الجنب اللي مايريحك بعدها باذن الله يتبلد احساسك اكثر مني بمقدار حركتين انشري تؤجري

هه ...،

المشكله الوصفه هذي بعد ماتبلد احساسك ..،
تتوقع تكون الوصفه سليمه !

[امرؤ القيس]

اقتباس: المشكله الوصفه هذي بعد ماتبلد احساسك ..، تتوقع تكون الوصفه سليمه

ما اقدر اظمن لك


يعني وش خايفه عليه بعد الوصفة


يطلع احساسك عالي مثلا

[Miss Tala]

اقتباس:  المشاركة الأصلية كتبت بواسطة ..twix..     [right على فكره ترى حتى امريكا عندهم سياكل ....!!!مو بس بنجلاديش عندي قناعة مترسبة بنافوخي إن الناس بلشانه بمصايبها.. أنتم مثلي وإلا مثل كل الناس شكائيييين بكائيييييين..؟!! [/right]

سبحان الله اصلا متى مااقتنع الانسان ان الله وحده حلال المشاكل وله وحده نشكي
خلاص يمديه مايشكي لاحد ولايفكر اصلا ..لان الناس يااواحد من 2 ياايقعدون فوق راسك بنصائح تجيب الطاعون وانت ماغير تهز راسك يعني متى تخلص ..؟؟
او انه يزيد الطين بله ويخليك تكره حياتك...
لكن احيانا الانسان يريد فقط يفضفض بس يبي احد يسمعه ما يبي نصائح وحلول...وهذا صعب تلاقيه...

واقولك الى الامام سر في طريقك الى الرجوله وانا اشهد انك رجال تتحمل ..يالله عاد اذكررها لي

[" TWIX "]

Miss Tala...

اقتباس: سبحان الله اصلا متى مااقتنع الانسان ان الله وحده حلال المشاكل وله وحده نشكي خلاص يمديه مايشكي لاحد ولايفكر اصلا ..لان الناس يااواحد من 2 ياايقعدون فوق راسك بنصائح تجيب الطاعون وانت ماغير تهز راسك يعني متى تخلص ..؟؟ او انه يزيد الطين بله ويخليك تكره حياتك...

وهذا اللي حاصل لا جيت تبي تنبسط في استرحتك أو في مقهى أو في طرف عاير
جاء يمك وأنا .. وأنا بلاني الله .. وأنا .. وأنا .. وتروح من عنده وأنت ضاربك السواس ومريض تدور ماء مقري فيه تبي تضربها ترويشة ..
من مرض

اقتباس: لكن احيانا الانسان يريد فقط يفضفض بس يبي احد يسمعه ما يبي نصائح وحلول...وهذا صعب تلاقيه...

متى تلاقي هالجنس اللي تشرح له وتفضفض ويقول لك آراؤه وحلوله
أحس إن هالجنس أصبح مثل الألماس ملا تلاقيه ولا تكتشفه إلا بطلعة الروح ..

اقتباس: واقولك الى الامام سر في طريقك الى الرجوله وانا اشهد انك رجال تتحمل ..يالله عاد اذكررها لي

لا تخافين علي أنا مخلص منهم وما أعلمهم إلا لا رحت للبقالة وكم الساعة بس
أما أسراري كنت أكب لهم بـ( كريرك ) كل شيء وبالأخير عرفتهم وعرفت إن الواحد
يتسلى فيك لا أكثر ..!!

[انتظرتك]

ودي ابكي لين مايبقى دموع ... ودي اشكي لين مايبقى كلام



بصراحة أنا ماعرفت الشكوى إلا يوم توهقت وحبيت !
الله يلعن الحب وسنينه
فشلنا صرنا ماغير ندور احد نكب بحجره الهم اللي بقلوبنا
لدرجة اني بديت اشكي لعامل الإستراحة ...



بس ماتلاحظ
أن شمس الصباح صادقه بموضوعه
صرت احتسي عن حالي !

[مـ ــ ط ــ ـر]

[align=center][tabletext="width:70%;"][cell="filter:;"][align=right]’
’

الإنسان كثير الشكوى إنسان سلبي غاية السلبيه ولابد أن يكون فاشل في حياته

إن كثرة الشكوى تدل على ضعف الشخصية والانهزامية وانعدام الفائدة بل هو

يؤثر على من حوله ويسبب لهم المتاعب والاحباط ..نسأل الله العفو والعافية

أشكرك تويكس على هذا الموضوع الراقي..

[/align][/cell][/tabletext][/align]

[جلوي العتيبي]

العزيز تويكس

من وجهة نظري هي محاولات لكسب إهتمامك وإهتمام المستمع بشكل عام .

فهناك من يكرر التشكي وسرد القصص المؤلمه .

وهناك من يتفنن في سرد قصصه التاريخيه ومغامراته البطوليه .

لكن المشكله عندما تكون هذه القصص من نسج الخيال هذا يعيش في دوامه صعبه تزداد اتساعاً كل ماتقدم به السن .

[قـتـالـه]

اقتباس:  المشاركة الأصلية كتبت بواسطة جلوي الشقير     وهناك من يتفنن في سرد قصصه التاريخيه ومغامراته البطوليه . .

يقال / الكذب ملح حديث الرجال !
وعن نفسي افضل الانصات الى كذوب مليح الحديث
اجاد تصفيف الحتسي والانفعالات ..
عيوني القتاليه تتسع مع كل ايماءه وتبان ضروسي العقل مع كل لفة تسذب قبل العاير
احب لي من صدوق يجيب العلم من اقصاه ينتابني الاعياء والرغبه بالنوم
وهو يجر الحقائق ويذيل السالفه بتواقيع الحقيقه !

[" TWIX "]

الزعيم جلوي ..

اقتباس: العزيز تويكس من وجهة نظري هي محاولات لكسب إهتمامك وإهتمام المستمع بشكل عام .

إنه مسكين إذا كان يجعل همومه ومشاكله وأسرارة فاكهة المجالس
هذا الجنس عافنا الله وإياهم لا بد من الحجر على ألسنتهم فقط ( للأكل والشرب )
هل يتبع سياسة من بال في ماء زمزم لجلب الانظار إليه ..؟!!
لا أعتقد ..
أنه من أجل أن يجلب الانظار إليه بل هو مرض عضال .. شبيه بمرض ( الكذب ) الذي
أصبح لبعضهم علامة فارقة ومعروف به ...!!

اقتباس: فهناك من يكرر التشكي وسرد القصص المؤلمه . وهناك من يتفنن في سرد قصصه التاريخيه ومغامراته البطوليه . لكن المشكله عندما تكون هذه القصص من نسج الخيال هذا يعيش في دوامه صعبه تزداد اتساعاً كل ماتقدم به السن .

وعندما يضع نفسه دائما بطلا لقصصه ..
يصور أنه يهجم عليه قطيع من الذئاب وبعد ساعة يسوي عليهن مقلقل وكباب ..

[البارق]

عزيزي تويكس

انا أرى التوازن في الشكوى مطلوب
مو كل شي فيك تدوخ العالم فيه
وكأن مافيه غيرك متكدر خاطره

لكن وحط تحت لاكن عشر خطوط
أحياناً ينتك الصدر ويعجز
عن تحمل بعض المشاكل
هنا وهذه مثل اختها لكن حط تحتها عشر اخوط
اقول هنا لابد من صديق محب
تفضفض عليه ويسليك
بكلمة طيبة أو مشورة نافعة


شكراً لك

[SAGA]

أنا تعلمت بحياتي إني ماأشتكي لأحد ...لإني ماعمري إشتكيت لأحد إلا وضايقني أكثر
بس فيه مشكله إذا ما إشتكينا وصرنا دايما قدام الناس نضحك قالوا أنتم ماعندكم هموم
وأنا أكره شي أجلس مع اللي يشتكي لا ويظن إنه أتعس الناس وماحد عنده مشاكل غيرة,,
<وراه المنتدى ستايله كذا !!!!!!!!