نتمنى للعجائز والأطفال نوم هادئ وفراش وثيرا

[إشراقة حرف]

اقتباس:  المشاركة الأصلية كتبت بواسطة قرناس     الله يجعل العاقبه حميده زواج خلا من بركة دعاء العجائز وكبار السن ومن براءة الأطفال وأجر ادخال السرور عليهم ماذا ينتظر منه الله يرحم الحال كل يوم مدحدرين دام الدبره دبرة مراهقات احسنتي بإعتذارك بارك الله فيك تحياتي

آمين


اشكر حضورك اخوي قرناس


فعلا يا ما من الزواجات التي كثرت فيها البدع وفيها ما يخالف تعاليم ديننا و عادتنا

ولكن من المسئول بهذه الحاله هل هو الأب ,,أم الزوج ؟؟؟؟


أو من سمح و تهاون في دخول هذه العادات الغريبه لمجتمعنا ؟؟؟



لا حول ولا قوة الا بالله

[أمــ الحب ــير]

آييييييييييييييه آلرقآلة
مآتت يآقدعآن

اقتباس: ولكن من المسئول بهذه الحاله هل هو الأب ,,أم الزوج ؟؟؟؟

كليهمآ ,,,

وآلملآمة آلآولى وآلآخيرة على آلآب آلذي لم يردع تلك آلفتآة آلمرآهقه ..

تبآ لبعض فتيآت هذآ آلزمن ,,

[النـ ج ـلاء]

أغلب البنات تفكيرهم فووووووق على لاشي بصراحه لو كانت الأم صارمه بقراراتها ماسوت البنت أي شي من هيك أفعال
أول مره أسمع فحكاية العجايز أما الأطفال معروفه
يالله نعيش ونشوف والله يكافينا شر العواقب
مشكوره قلبوووو

[sozo]

بعد الزواج وبسبب ماقترفت من اثم قد يمنحها الفارس لقب (مطلقه)
ثم تعود من جديد للتفكير بالجميع حتى الشغاله لانها تكون بحاجة الى رافه

[إشراقة حرف]

اقتباس:  المشاركة الأصلية كتبت بواسطة الكبري     حقلة لاعجائز وأطفال فيها فهي بحق أشبه ما تكون بسرادق عزاء ! إن كبار السن يشعرنا إيمانهم وصفاء عقيدتهم وطهارتهم من عبث هذا الزمن يشعرنا بالأمان والهدوء .. الأطفال هم نيشان الحب والعطاء والسعادة .. فكر في نفسك أيهما تظحك من قبلك لطفل أتى بشيء يظحكك أم لنكتة صديق ! بكل تأكيد ستجد نكات قرينك باهتة تحدوها المجاملة !! ياشين عرسهم يالزين ! لكم أطيب المنى

هلا فيك الكبرى

انا معك بان الكبيرات بالسن يضيفون للمكان رذاذا من الطمئنينه و سيل من الدعاء الصادق و صفاء النية بالذكر ,, ولكن الاطفال فهم يملؤن الحفل بالفوضى
و يفسدون المكان وخاصة الاولاد .. والبنات الصغار جدا عدا ما فوق السن السابعه فهم يضون الفرح بشموع من المرح و البراءة


شكرا لحضورك تقدير لك

[إشراقة حرف]

اقتباس:  المشاركة الأصلية كتبت بواسطة رحّــال     بصراحة ما ودنا نتكلم الواحد على قبالية زواج الله لا يبلانا لكن واضح ان البنت تبيها هيصة لكن ما قول الا الله يعيين اللي بياخذها .... تحياتي ,,,

ايه الله يبارك لها و يتمم عليها بخير ..

و يبارك لك و يوفقك بالزوجة الصالحه اللي تهنيك و ترضيك و تعينك على الدين والدنيا .. آآآآمين

[إشراقة حرف]

اقتباس:  المشاركة الأصلية كتبت بواسطة مياسة     زين ما سوت يا الزين ... عشان الحريم الكبار يعرفون نيتها... مايجون ويتضايقون...! واضح انها بتخليها ليلة متلتله .... دي جي وحركات...! أوف بس..... وش حنا بلا طم طم وام خالد ...؟ ناس فارغة !!

انا شفت خالتها متأثره مره من الموضوع تقول بناتي ينعزمون وانا لا ...!!!

والله انها صادقه .. وبعذرها تزعل وتتشره لو انا في مكانها وما انعزم على ملكة بنت اختي ولا زواجها والله لازعل و تضايق ..


الحين خالتها زعلان اجل جدتها وشـ ردة فعلها ؟؟

وش تكسب هي لما تزعل خالاتها وعماتها ؟؟





همسة لك .. أني احبك في الله

واشكر لك مرورك الطيب

[إشراقة حرف]

اقتباس:  المشاركة الأصلية كتبت بواسطة عجوز سمنسي     انا من قريت دعوة على رائحة العطور الفرنسية وانا غاسل يدي اصلا بدل ماتقول على كتاب الله وسنة نبيه صلى الله عليه وسلم تقول على ريحة العطور الفنرسية ندعوك مالت وربي مافيه بركه بالعروس الا بالعجايز والبزران دمتي

هلا فيك عجوزنا وتو ما تبارك المتصفح بردك وحضورك ..

فعلا كلامك صحيح من الدعوة اغسل يدك .. مع انها بنت صديقتي و امها انسانه محترمه ومربية اجيال الا اني آسف على وضعها هذه الدعوة ..

هي الحضارة و التمدن

والسفر للخارج كل صيف و صديقات من جنسيات مختلفه . وهذا كله يؤثر بالمرء عندما يكون ضعيف امانه و مهزوز انتمائة لعقيدته و ادابها .

لا حول ولا قوة الا بالله

عجايز فيهم الخير والبكره ولا يزين العرس الا فيهم لكن بزران لا ما فيهم الا الحوسه و القلق ..الله يصلح ما عطا

[إشراقة حرف]

اقتباس:  المشاركة الأصلية كتبت بواسطة جبل عمر     من صياغة الدعوة والدعوى دردبيس من أولها إلى آخرها إذا أُعطيت القيادة لغير أهلها فتحمل ما يأتيك بكل أمانة وبكل ووضح ومن تجارب المرأة على عيني وراسي لكن لاتصير لهن الدبرة لأنهن راح يشطحن شطحات مولية والمثل يقول إعرف أمه قبل تضمه إذا أمها ردها ( لا عااااد تكفين ... تعرفين عاد والله هذا اللي مخليها تمنعهم تقول بستانس مع صديقاتي و قريباتي اللي بعمري ما أبي احد ينتقدني (ضحكت رقصت أرفعت رأسها تلفتت ولا احد ينصح عاري ولا قصير أبي كل يأخذ راحته ) يعني ناوين الهيصةوالفسقة الله يستر بستره عساه ماتجين مثل ذي يارب العالمين لو تصفي بلا عرس

الله يرزقك الرضا والعافيه اخوي جبل عمر .. وصحيح ان الام على خطأ ولكن انا اعرف الام جيدا .. فهي مسالمه ولا تحب ان تضايق احد او تفرض رايها على احد ... وحتى الاب هو متعلم و يرى ان لكل حريته الشخصيه و لا يحب ان يفرض على ابنائه رأي
بل انه يطرح رأية و وجهة نظره ويناقشهم بها إذا قبل بها الحمدالله وان لم يقبل لا يتحمل ملامة منهم انه سكت عن الخطأ.

اقتباس: ومن تجارب المرأة على عيني وراسي لكن لاتصير لهن الدبرة لأنهن راح يشطحن شطحات مولية

حراااام عليك مب كل الحريم ..


تقديري لك

[& جمال الطفوله &]

أهل العقول في راحه !!

بعض البنات على بالهم هالحركات .. اننا خلاص متطورين
ولا أحد قدنــــــــــا ...

والشرهه على امهاااا ..

أجل ماتبي تخرب فرحتها ؟؟!

آآه بس ..

::

ودي ادري ..
زوجهــا يدري وش هي كاتبه ؟!
<< الزين نجدي ماعليك امر اسألي امها ههههههه ترى الشرافه جننتني ...

[علشانك بس]

ياقلبي يالعجايز ,, والله ان وجودهن بالزواجات يوسع الصدر ,,
بس بعضهن يخرب على البعض الآخر ,, بعضهن شريراااات
بس والله مانستغني عن دعواتهن الله لايحرمنا منهن ,,
ولا البزارين والخادمات المفروض يمنعونهن ازعاج وكثرة على غير فايدة ,,
عموما الله يوفقهم ,,
فوووتك بعافية ,,,

[أنـفأإأس أإأللـيل]

كني عرفتها
إذا كانت بنت اللي خبري ..
وش خليتي ماشاء الله ناس منعم الله عليهم !!
وعلبالهم بذي الطريقه يفهمون الناس انهم كشخه ومتطورين ..
وامها هي اللي مشجعتها وعاجبها الوضع عشان البرستيج قدام نسايبهم ..
مالنا الا ندعي لهم بالتوفيق ..

[عازفة ألحان الليل]

اقتباس: ونظرت لكتاب كانت اقرأه

ونظرت لكتاب كنت أقرأه

[فور يو]

قلة حيا , وهذي بنت مش متربيه صح , الشرهه على ابوها و امها اللي يرضون

بهذه المسخره ...! اجل تكتب ببطاقة الدعوه عيني عينك :

( ونتمنى لأمهاتنا الكبيرات بالسن ..... ) ...!

لو كنت مكان الزوج , لمنعت هذه العباره من كتابتها بالبطاقة , وإذا

اصرت الزوجه على رأيها مادخلت عليها لو مافيه إلا هالبنت بالوجود ...

[shahd2007]

بصراحه قله ادب وقله تربيه ومافوقه احد خيرررررر الاطفال وقبلناه وابرك من ساعه لكن ياقلبي عليهن اعجيزن وش مليحتهن بالزواج والعجز الي ينصحن ويهاوشن عندنا بالنسيم وعندكم بالموطأ<<كذا اسم مقبره بريده كبار السن هن الخير والبركه