راشد ...
والله كشتة المدرسين هذي مانقدر نكتب فيها سيناريو وحوار يجسد مشهد تلك الليلة وسواليفها لأن قوانين النشر في المنتدى لا تسمح باستعراض سواليف المدرسين وهم يحلون بعد العشاء على صاحبهم الصحيح اللي على نياته...
لا وتلقاه يوم يطلع من البيت قايلن للمعزبة عبي لي الزمزميات ابطلع مع دورية الزملاء....
وتلقا الطلعة ماتحلا الا فيه
وهو مثل مهبول القرية اللي لو يهاجر او يموت صارت القرية كسل في كسل زود ماهي كسل من اصله....
وتلقا بعضخم مايخاف الله !! يتعلم الاستهتار وتجديع الحكي على جثة هالضعيف المسكين...!!
لكن تبي الصدق وهرج الضمير!!
والله اني مرة في طلعة مشابهة وتسلطوا بعض الخباث على واحدن حبيب !! لين نشف دمه من القهر وهو مايقدر يقول شي !!
حتى اني انا حامت كبدي واستحيت وانا مالي دخل بس مابغيت انكر عليهم لاني خفت يقولون وش هالمعقد واسكت لين قضى الله امرا كان مفعولا!! وقلت يالمبة خلاص لاتقعد بعد الذكرى مع القوم الـ.......
والله ياراشد ان بعض هالسحالي البشرية اللي تسوي مثل هالتصرفات مافيها مروة ولا حيا ولا دين ... ماغير لحى تشبه اللحى !! وجثث تشبه الاوادم !! وشيءٍ من بلع ٍكثير
العرض الشجري