يالحبيبه ضاع وصلك وان تغافلته مشيت بعالمي نحو الخيال
بين اصدق واتهور بين اكذب واتحايل والهوى عذب وعليل
اتصنع نومي لجلك حتى ألقى ياصحيت اول رساله واتصال
وافتح الجوال ادور بالسجل وبالرسايل وضعي اصبح مستحيل
لعنبو أصلك وفصلك بعد صدك ما حييت وعيشتي صارت محال
ويش اسوي يوم اصور حبنا ياصار زايل لو نحط ولو نشيل
اذكر الأسود بكحلك بس غيره ما لقيت وزاد في حسنك دلال
حتى شعرك فيك نور لونه اشقر ومتمايل والوفا أكبر دليل
كان حملي فوق حملك وان زرعتي لي سقيت ولا لفرقانا مجال
لين مرسانا تعور واختفت كل الدلايل والعطا عود قليل
من كتبك ومن نظم لك من عطاك من الفتيت ومن سقاك من الزلال
من صدقك ولا تجور من قطفك من الخمايل من عرف معنى الجميل
وين رحتي ضاع شملك ما عرفني بالمبيت الا متاهات السؤال
ليه رحتي وش تطور غير دمعات(ن) تسايل فوق خدي كل ليل
يالحبيبه ليه شكلك صار أسود يوم جيت وكن قدامي ضلال
حبك الماضي مزور والسواد من العمايل والزمن دايم بخيل
العرض الشجري