بطاقة دعوه لزوجتي , قرأتها , بعدها مزقتها ورميتها بالزباله ...

[فور يو]

اقتباس:  المشاركة الأصلية كتبت بواسطة قـلـبي بـريدة     [align=center] وبكل صراحة اول مره اسمع ان الرجال لهم بطاقة والحريم لهم بطاقة[/align]

في الرياض , إذهب إلى اقرب طابع كروت افراح وقل له :

ابي نماذج لكروت الزواجات و اسعارهن ,

للنساء والرجال , وبتشوف العجب العجاب ...

قلبي بريدة , شكرا على المرور الكريم .

[باونتي]

شي طبيعي جدا ...
مااحس فيه غرابه الموضوع

يعني الرجل مو مهتم بالمظاهر بعكس المراه تهتم بالمظاهر ...

مو معناها الاحترام
وتلاقي الرجال نفسهم اللي دعوك مو مهتم ببطاقه النساء ولادرى عنها

وماتفرق وصلتني بطاقه ام ريال على ام 100
اهم شي الدعوة وصلت واللي راح يحتفل ذكرني

اما الاطفال فعلا الافضل عدم حضورهم
يسببون فوضى وازعاج
وعدم ذكر الاطفال ببطاقه الرجال لان الاطفال تبع النساء

[shahd2007]

اقتباس: مارأيكم(ن) بمن يقدم بطاقات دعوه فاخره للمرأه وبنفس الوقت رديئه للرجل ...

انا معك المفروض الرجل تكون بطاقاته فاخره

بس الرجال مايهتم بالشكل اشوف ابوي تجي بطاقه فاخره ودعوه لفندق ولاعمره شافه اذا كان يبي يروح

يسئل عن تاريخ المناسبه ولايشوف البطاقه سواء 100 او بريال

اقتباس: ما رأيكم(ن) بمن يختم بطاقة الدعوه للمرأه بعبارة ( ممنوع إصطحاب الأطفال )

ضروري هالعباره تختم ببطاقات دعوه الحريم لان الاطفال يعثون بالارض فساد ولا لهم داعي حضورهم

فبيتهم اريح لهم الناس يتكلفون على المناسبه وهم ولا ببالهم انواع الخراب

[فور يو]

ابن الجنوب : ليش العصبية بتمزيق الدعوة اخي ليس حق ان تمزقها (فقط اهملها اذا انت غير مقتنع بالشي)

فور يو : تمزيق الدعوات ليست عصبيه بل هي ردة فعل , لفعل غير مستساغ وغير ملائم



ابن الجنوب : اما علي سالفة ارسل دعوتين للزوج والزوجة هذي حديثة علينا بطاقة الدعوة واحدة فقط باسم الزوج


فور يو : بكل أسف في الرياض نستقبل منها الكثير ...


ابن الجنوب : واهدار للمال في غير حق . ومظاهر .ومباهاة . وتفاخر حتي بالبطاقات .شي ذميم بالنسبة لي

فور يو : المشكله أن هناك رجال إمعات , اقل ما يقال عنهم انهم اشباه رجال

حريمهم تمشيهم بالريموت ....!

ابن الجنوب , شرفتني يالغالي , شكرا لك ...

[نـــNAــونا]

بصراحه عش رجب ترى عجبا
أولا إحنا نعرف إن البطاقه لفلان وعائلته الكريمه يعني ماقد جاتنا بطاقه للوالد وبطاقه للوالده
حتى لو كانت العزيمه نسائيه يكتبون فلان وعائلته
أما من ناحية قيمة البطاقه فهذا من الإسراف ترى هي كلها كرت يقرأ وبعدين في الزباله وأنتم بكرامه
حد مالها البطاقه بريال
لأنه طبيعي لما أقرأ البطاقه أم ريال وإلا 100 ريال بعرف موعد المناسبه ولمين وابطاقه مردها للرمي
ليش بحتفظ فيها
أما الأطفال فما أتوقع إن الأم تقدر تروح مناسبه وتترك الأطفال عند أبوهم
أصلا يازين شكلها رايحه وتاركه أبو العيال في البيت مقابل البزارين

[مياسة]

اقتباس:  المشاركة الأصلية كتبت بواسطة فور يو     الدعوتين التي وصلتني مزقتهما ورميتهن بالزباله ...

يا ويل حالك يا مياسة لو تزوجتي حار ....!!! هذا اللي ما كنا مسوين حسابة..!

بالنسبة للبطاقات أعتقد ياخي هذي حرية شخصية.. ومسلمات عائلية.. وبعرس عيالك طبق نظريتك,, أما مسألة ممنوع اصطحاب الاطفال,, فهذي نسويها في حفلات تخرجنا.. ولا تقتصر على حفلات الزواج .. التي هي أهم وأدق.. واللأطفال أمكان أروع وأجمل يجدون انفسهم فيها ...

[الطاحونة]

[align=center]عرفتك أكثر هدوئا ورويةً ...!!

يازينك وأنت معصب...

تدري ليش زوجتك جتها بطاقة فاخرة وأنت لا...؟!!

بكل بساطة ..

لأن المرأة أكثر أهتماما من الزوج مثل هذه المناسبات أنت تلبس أي ثوب تلقاه في الدولاب أما هي

يبي لها أسبوع تتردد للأسواق مشان 4 ساعات ...!!!

مشان كذا فرقوا بين فور يو وزوجته...!![/align]

[فور يو]

اقتباس:  المشاركة الأصلية كتبت بواسطة yousef     [align=center][color=#0000FF وانت تعلم جيداَ ان اغلب الرجال ( المسؤلين) مفاتيحهم امرأة . .[/color][/align]

و انا اعلم جيدا ماذا تعني بردك ..., وليس اغلب الرجال ( المسؤلين ) مفاتيحهم

إمرأه ...



المقتبس أعلاه , كلام غير مسئول ...

الرجال ليس كلهم مفاتيحهم بيد إمرأه ...

اغلب الرجال مفاتيحهم :-

الصدق

الصراحه

الخوف على

بناتهم و أبنائهم ...

وعلى

بيوتهم و زوجاتهم ...

[فور يو]

اقتباس:  المشاركة الأصلية كتبت بواسطة الطاحونة     لأن المرأة أكثر أهتماما من الزوج مثل هذه المناسبات أنت تلبس أي ثوب تلقاه في الدولاب أما هي يبي لها أسبوع تتردد للأسواق مشان 4 ساعات ...!!! مشان كذا فرقوا بين فور يو وزوجته...!!:

ههههههههههههههه من زمان ما ضحكت ولا ابتسمت

الطاحونه , الله يوسع صدرك ورزقك مثل ما وسعت صدري ....

تعليقك احس انه طالع عفوي ...!

خصوصا ذكر ... مشان و قول :-


مشان 4 ساعات ...!!!

ابشرك زوجتي في بيتي الله يحفظها ويخليها لي وعيالي ولا يحرمني منها ...

لي عودة للموضوع ...

الطاحونه , شكرا لك , الله يسعدك ...

[جمان البحر]

عادة ارسال بطاقتين جرت في معظم الزواجات لدينا في بريدة منذ مايقارب 5 أو 6 سنوات ..

وذلك لأن والد العروس أو والد العريس يريد دعوة الكثير من الرجال ممن تربطه بهم ولو معرفة بسيطة ووالدة العروس أو بمعنى أصح العروس نفسها لاتريد حضور (من هب ودب ) لزواجها ((يعني تريد فقط دعوة من تريد ))خاصة اذا كانت ستضع زفة وماشابهها ..

وحقيقة في زواج ابنة عمي منذ 6 سنوات واجهنا مشكلة حضور النساء بكثرة لدرجة أنني إعتقدت بأنني في حج ولست في عرس فالناس لم يجدوا أماكن للجلوس ..
وذلك بسبب أن معارف عمي كثر وهو قام بدعوة كل من يعرفهم وبالتالي حضرت نسائهم معهم واكتظت القاعة بالنساء ..


أما بالنسبة لفخامة البطاقة فالإخوان ماقصروا وشرحوا لك الأسباب ..

[الثلج الأبيض]

لمست جانب مهم اخي..والكلام يطول في ذلك.
لكن اقول انت اذا دعيتهم لزواج قريب:
1- اكتبها بقلم رصاص.
2- وبربع ورقة A4
تقبل م ر و ر ي...

[هادي الطبع]

الرجل تكفيه رسالة جوال بعد لكن الحرمه رسميه جدا ونت اعرف بالمظاهر



اما اصطحاب الاطفال فمعروف انه بالغالب النساء يصطحبن الاطفال

[أسـيـر]

اقتباس:  المشاركة الأصلية كتبت بواسطة فور يو     المسأله ليست مظاهر أخي الكريم , المسأله إحترام وتقدير لمن تقدم له الدعوه ... أسير , شكرا على المرور الكريم .

عزيزي 4U .. إذا كنت تعتبر ان التقدر والإحترام بشكل او بفخامة البطاقة فهذا ليس بصحيح ..

أفهم من كلامك .. كلما زادة الفخامه ( والفخفخهـ ) زاد التقدير .. برأيي تقدير خاطئ ..

او بكون البطاقة للمرأهـ فخمة وللرجل ليست فخمة فرق بالتقدير فلا .. فمثل ماقلت كلن واهتمامه ..

تقبل مروري بصدر رحب ..

., أسيـر

[فهد الحربي]

عاادي اخوي ولاتستغرب كثير من الناس هالووقت يقـدر الحريم اكثر من الرجال
يجعل لهم مقـدار وقيمه
وانا لآحظت هالشي بامر ما وكيف ان الموظف يقوم بخدمة المرآه بلباقه وكلام معسول وطيبة نفس اما الرجل فهو اخر اهتمامه
زمن انقلبت فيه المفاهيـم

[المعروف]

أنت في زمن الحريم ... سيدي..!!

لاتكترث... فالمرأة الآن هي كل شيء..

وما عليك وعلينا معاشر بني آدم..

إلا أن نؤمن على كلامهن.. وننفذ مايردنه صاغرين..

خاصة لمن كان قدره أن يقترن بوحده هي من يصرف عليه...!!!!