،، يومـاً مع الذكــــرى ،،

[مياسة]

اقتباس:  المشاركة الأصلية كتبت بواسطة ღ ][ وحيدة كالقمر ][ღ     هلابك مياسة <<<عجزت تاصلكم من الضحك ع المواقف

بسم الله عليك كلش ولا فراشتنا,, انتبهي لشفايفك لاتشقق حسافة

اقتباس:  المشاركة الأصلية كتبت بواسطة ღ ][ وحيدة كالقمر ][ღ     ياكرهي لوه هالدباب ماجانا بزود....أذكر مرة طالعين كشتة كبيرة مع خوالي ومن الفجور وبعيد مرررة وكان وقتها مطر... عاد ماشاء الله عيال خوالي ياويلي شويين قووووة(تتطنز) المهم جازفت وركبت الدباب ويابعدنا عنهم بعيدين جيتك ياحبيلي أمشي ترليون إيقالي مخربته بالسواقة وومير يلف الدباب ع عباتي وأروح بخبر كان وأخواتها وبنات عمه وفيه موقف ثاني قبل نتغطى يوم حنا بزارين شوي خخخخخ...كنا بقصر خوالي ونلعب بالسياكل بالحوش عاد حنا 4 بنات والعيال كل شوي زايد واحد ماشاء الله من شويِهم...<<لاتتطنزين عاد فيه لفّة قشراء أبغضها بغض إبليس....تصابخت أنا وولد خالي فيها (حادّينا بعض من شين السواقة) لاتسألينن وش سويت....أنواع الصعارير وجلست ساعة أهوشه...وصحت ورحت عند إمي...

مواقف مضحكة ... قد صارت لي مثل هالصبخة في استراحة ولد عمي.. (قديماً طبعاً ايام العز).. بس كانت الصبخة مع الجدار.. ومن زود السنع مركبة معي اختي القع قع,, بغى يجي ولد عمتي ينقذني.. بس هجيت وانا اعرج.. حاولت اخفي موضوع الصدمة عن امي بس طلعت شايفتنا مع شباك المطبخ
<<-- انواع الطفاقة!

اقتباس:  المشاركة الأصلية كتبت بواسطة ღ ][ وحيدة كالقمر ][ღ     صدق يازين الذكرى...لها طعم خاص<<<إختكم في الله من عشاق حفظ الذكريات لو هي قرطاسة

جميلة الذكريات المدونة .. لدي ملفين احتفظ بهم اورق رسايل من ابلاهيلة وصديقتي بسادس ابتدائي حفصة, مع مذكرات الرحلات الممتعة
متى يجون عيالي اوريهم شقاوة أمهم


شكراً حبيبتي وحيدة ع التشريف .. لا خلا ولا عدم

[مياسة]

سرى حبيبتي خلاص كل واحد يصلح سيارته .. توكلي على الله ,,

بس ع فكرة يا عسل ترى انا ما طرحت الموضوع للمناقشة,, ثانياً: يوم ألعب بالدباب منب بنت ((كبيره))

[شاطئ الراحة]

[align=center]حيّاكِ الله و أنا عمّكِ ..




كان لنا في هذا المنتدى مواقف مع الأعضاء .. حقيقةً رائعة و جميلة سيكون لها واقعها بعد ثلاثون عام .. و سيكون حفيدي - راحة - .. .. مدير عام المنتدى ...


لا أعتقد بأن مسيّان الضعيف له علاقة بالعمومه ..


تحيتي لكِ[/align]

[مياسة]

اقتباس:  المشاركة الأصلية كتبت بواسطة ^جبل عمر^     [align=center]مرة وكالمارت استاجرنا دباب جديد بقراطيسه ابن الذين ياهو قوي متعودين على الدبابات الي مكروفات الله بالخير المهم ^جبل عمر^ أول واحد ركب وأنطلزبه وأبمشي على كفرين على بالي زي الأولات أثره قوي ويتسفي بي وأجب على خشتي نظفت الأرض المهم من الفرحة قمت ولا أدري وش الي جان وأدوس ووصلت عند التوزيع لأن الي بعدي يصرخ قضى وقت ولا وش يشوفون خارين على قميس بني وسروال أبيض وبقدرة قادر الدنيا حمرا أثره من الطيحه منفقعة ركبتي ودمامين الله لا يوركم وبعدها المستشفى وسبع غرز بوسط الركبه يوم طلعنا ويتوعدن أبوي يا ويلي لو اركب الدباب لكن شياطين ما طعتوه ركبت والحمد لله ستر ربي [/align]

الحمدلله ع سلامتك

اقتباس:  المشاركة الأصلية كتبت بواسطة ^جبل عمر^     [align=center]ولا تزال أثر تلك الطيحة إلى هالحين أذكر يوم كنت بسادس يعني لها اليحن 11 سنه >> حلوة ولا تزال تقل برنامج يكملونه الحلقة القادمة[/align]

صدقت,, الجروح تذكرنا ... اذكر في اصبعي الصغير جرح صغير من كثر المشي في مكة.. وطبعاً ما شفت الجرح إلا وانا بالطايف.. تضايقت وصارت بي العبرة, قالت خالتي احسن لك ذكريات,, اذا رجعنا لبريدة تستمتعين فيها لا تذكرتي رحلتنا الحلوة ..قلت: حرام عليك يا خالة ورانا عرس حرام تخرب بشرتي <<-- هالسالفة لها خمس او ست سنوات <<- صدق اني ما استحي!


شكراً أخي جبل على حضورك ... انعم واكرم

[•°سـرىآ اللـيـل°•]

خلاص يالغلا هذي محسوبة عليك مو علي ,,

أنا أدري أنك يوم كنتِ صغيرة لذلك ماعلقت على موضوعك ,, ليه ثرتي ؟! مع أن تعليقي واضح أنه على صورة سيبوية فقط ..

سبحانك يارب تهجمين وتقولين توكلي .. دققي بالردود واللي ماوجه لك لاتتدخلين فيه .. وتعتبرينه موجه لك وراه تشكين بنفسك بالخطأ !!!

وش أسوي لك إذا فهمتي أي تواجد لسرىآ ضدك مع أني مافكرت بهالشيء ,,

ولذلك ماعلقت على صلب الموضوع لأني مدركة أفهام الأغلبية هنا إذا صرت ضده بموضوع واحد خلاص يعتبرك ضده بكل المواضيع ,, حركات رابع (ب) ..

ومع أني ماوجهت لك كلام إلا أنك قطيتي علي ,, فاضية ماعندك حاجة وبصراحة أنا عندي إمتحانات مافضيت لك بالعطلة راجعينا ..

للمعلومية :: أنا على حسب الموضوع وليس على حسب الكاتب ,, بس فهمك يقودك لقول مالا يناسب ..

على العموم أنا موادعة ,, للتوضيح لاغير ,, يالله سلام ..

[مياسة]

اقتباس:  المشاركة الأصلية كتبت بواسطة شاطئ الراحة     [align=center]كان لنا في هذا المنتدى مواقف مع الأعضاء .. حقيقةً رائعة و جميلة سيكون لها واقعها بعد ثلاثون عام .. و سيكون حفيدي - راحة - .. .. مدير عام المنتدى ... [/align]

كثير أتخيل ان أرى بعض الاعضاء في الجنة(اللهم اجعلنا من اهلها ياكريم)..ممن لهم مكانة في قلبي..
لا اخفيك.. هي اسماء اجهلها ويجهلونني .. ولكن لهم نصيب في الذاكرة او الاماني .. لا اعلم من السر !!!!!!

طيب حفيدك راحة مايبي بنتي ميس؟<<-- كشخة زوجة مدير عام المنتدى

اقتباس:  المشاركة الأصلية كتبت بواسطة شاطئ الراحة     [align=center]لا أعتقد بأن مسيّان الضعيف له علاقة بالعمومه .. [/align]

اخوي العود.. هو شاب بس متشيب,, دايم بلسانه مسيان الضعيف.. ولاننا نعلق عليه بـ الشايب الشايب .. حطيتها فيك ... السموحة ياعمي الشيخ

[مياسة]

يا كثرها هالسرى !!.. ياناس هي وش معين تفهم ؟
هذا وانتِ عندك امتحانات .. اجل بالعطلة وش بتسوين فيــنا ؟

عموماً: دايم امي تنصحني تقولي صبرك على اذى المسلمين احسن من الانعزال عنهم ..
اهلاً بك اخت كريمة

[•°سـرىآ اللـيـل°•]

^^

الضعيف هو من يجعل من خصمه جدار عازل ضد أخطاؤه ,,

أدري أنك ماراح تفهمينه بس المضمون لاتخطين وترمين الخطأ على غيرك ..

[نـدى الـورد]

ميااسه يا الغلاافتحي خاصك للتوضيح

[شاطئ الراحة]

[align=center]حاس بأن راحة حفيدي فيه غيره مو طبيعيّة على ميس .. ولكن شكلة راح يوقفها من أول مشاركة لأسباب أخرى .. [/align]

[الـخنساء]

[align=center]

اقتباس:  المشاركة الأصلية كتبت بواسطة مياسة     كثير أتخيل ان أرى بعض الاعضاء في الجنة(اللهم اجعلنا من اهلها ياكريم)..ممن لهم مكانة في قلبي..

لاحول ولا قوة الا بالله
ليه بعض الأعضاء
بل قولي كل الأعضاء والزوار بعد وكل المسلمين
اذا جيتي تتكلمي عن الجنه لا تخصصين حبيبتي
ضاق صدري يوم قريته
يعني البعض الآخر وين بيروحون .. يالطيف[/align]

[مياسة]

اقتباس:  المشاركة الأصلية كتبت بواسطة *أميرة الفراشات*     88888 حمدا لله على سلامتك مي مي

سلمك الله فرفر <<-- تقلد

[مياسة]

اقتباس:  المشاركة الأصلية كتبت بواسطة الاستاذ.د .     الحمدلله على السلامـه .. ذكريات الصبا تحفر ألماً يشوبه الضحك .. أو ضحكاً يشـوبـه الألم .. تخلد في الذاكـره زمنـاً حتى تبدأ الأطلال بالاضمحـلال والمعالم بالاندراس ولا يبقـى منها سوى خيوط ضعيفـة كخيـوط العنكبــوت .. والأريب من يستفيد من تجارب الزمــان ..

كلام جميل,, ربما كانت ذكرى هذا المتصفح من النوع الأول [ألم يشوبه الضحك] ,, رغم مرور الوقت الطويل عليها إلا أني مازلت اضحك عليها ضحكاً طازجاً !

نعم استفدت.. اصبحت اتجنبها.. واخاف الاخطار.. لـ أحمي جرأتي والعجلة!


سلمك الله من كل شر يا اخي الفاضل .. اشكر مشاركتك الجميلة

[مياسة]

اقتباس:  المشاركة الأصلية كتبت بواسطة فور يو     تمضي السنين , يتخللها الكثير من الذكريات , منها المفرحه ومنها المحزنه و المحرجه ... هذه الذكريات تظل عالقه في رؤوسنا ماتعاقب الليل والنهار ... اعذب تحيه للكل .

إذا كذا,, وش بتصير ذاكرتي اذا عمري 90 ؟؟؟ احتاج إلى اكثر من فلاش ميمري !

كثير ما أتأمل في وجه جدتي (طم طم) حفظها الله وهي الأن في عمر الـ 90سنه ,, واقول بنفسي: ياترى بماذا تحتفظ هذه الذاكرة؟
ولا ألومها حينما تسألني عن امتحانات الكلية وانا متخرجة من ثلاث سنوات!

جمعني الله معها ومع جدي في الفردوس الاعلى,, ووالديا وكل المسلمين, اللهم امين

شكراً اخي ع العبور ....

[جبل عمر]

اقتباس:  المشاركة الأصلية كتبت بواسطة مياسة     يا كثرها هالسرى !!.. ياناس هي وش معين تفهم ؟ هذا وانتِ عندك امتحانات .. اجل بالعطلة وش بتسوين فيــنا ؟ عموماً: دايم امي تنصحني تقولي صبرك على اذى المسلمين احسن من الانعزال عنهم .. اهلاً بك اخت كريمة

[align=center]

هههههههههههههه
مياسة أما ردك تووووحفة

أجل بالعطلة وش بتسوين فينا
يا كثرها هالسرى !!.. ياناس هي وش معين تفهم ؟
هذا وانتِ عندك امتحانات .. اجل بالعطلة وش بتسوين فيــنا ؟

مياسة تذكري

إمتثالاً لقول المصطفى عليه أفضل الصلاة والسلام
(أنا زعيم ببيت في ربض الجنة لمن ترك المراء وإن كان محقا، وببيت في وسط الجنة لمن ترك الكذب وإن كان مازحاً، وببيت في أعلى الجنة لمن حسَّن خُلُقَه )" رواه أبو داود[/align]