الــمجــلس الإجتـمــاعـي /// لـ النقاش والحـوار الهادف !!

[الذاهـبـة]

الله يعينك يا أختي فراشة نجد ..

لكن تذكري ياغالية هذا ابتلاء و امتحان و مأجورة عليه

و مرضى السرطان إن شاء الله بالجنة دون حساب

و الحمد لله على كل حال .. و الله يعجل بالفرج ..

[جناان]

آآآآآآآآآآه يافراشة نجد
فتقتي جراحي .!!

[@عيون الصقر@]

هلا وغلا حبيبي فتحي يشهد الله عنزي متحضرة مسراحها مايتعدى باب الشارع شوي تقشقش وترد البيت ركض
ههههههههههههههههههه الله يرج ابليسك لاتعليق
اختي الذاهبة .. يارب يحفظك ويخلي لك عيالك ويبارك في حياتك وهذا انا شاد حيلي وعلى الله كل شي.
اختي فراشة والله قطعتي قلبي بالسالفه لكن افضل شي ممكن اقوله بخصوص موضوع صاحبتك هي انك تكلمي احد تثقي فيه من اهلها انه في حال المراجعة للمستشفى يحاولوا يتواصلون مع قسم خاص في التأهيل هذا القسم مهمته هو الجانب اللي مقلقك بالذات واهم شي هي ترتاح من اي طرف انتي او غيرك لكن هم مؤهلين ولهم تجارب راح تنعكس على نفسيتها الله يشفيها وكل مريض وبالتالي يسعدك انها تكون مرتاحه

[لمبة شارع]

السلام عليكم...

فراشة نجد الله يحفظك ويشفي مريضك..

بداية انصحك جدا باستيعاب الظرف المستجد والتوازن النفسي وإدراك أن ما أصاب لم يكن ليخطيء...مكتوب ذلك عندالله في الكتاب ...والمرء إذا احتسب وصبر وأكثر من حمد الله والثناء عليه عند المصيبة ساعده الله عز وجل واستجاب له وخفف عنه وألهمه الرشاد....
سرطان الثدي أهون كثيرا من سرطان الدم فاسألي الله ان يقويها على مواجهته مثلما واجهت اللوكيميا ...واعتقد ان كونك علمت بالأمر مؤخرا ساعد في تردي حالتك النفسية..ولذلك فسيلهمك الله عز وجل الرأي الحسن بعد حين من الوقت بعد ان تستقر حالتك النفسية من هذا الألم والحزن الذي اصابك....
قوي ارتباطك بالله عز وجل فهو الحسب ونعم الوكيل...
ادعو الله ان يشفي مريضك وان يرزقه العافية وكفارة الذنوب...

[فتحي الشقاقي]

على طاري الامراض والسرطان بعيد الشر عن عيونكم ومن يعز عليكم

ياجماعه من يسمع في أم فيصل الي تعالج الناس ،، موقعها في الغماس

هذي الحرمه عجيبه غريبه ،، عندها خبره وبخاصه تتحدى فيها احسن دكتور ...

اذكر خالي الله يرحمة جاء عندها ومجرد ما شافته قالت انت فيك سرطان ولا تتعب نفسك في البحث عن علاج .. يعني بين قوسين بتموت ..
هذي الحرمه غريبه جداً
بدون كشف وتحاليل تعرف انت تشكي من ايش ..
وخالتي كانت حامل في الشهر الاول .. وراحت عندها وقالت لها انتي حامله في وحده مغوليه
لذلك لو حصلك تنزليها ترا احسنلك .. خالتي طبعن رفضت .. بس طلع كلام ام فيصل صحيح

وواحد من اصدقائي .. عنده بنته من طلعت من بطن امها وهي تصيح ..
يقول وديتها وقالت انت عالج البنت الي اكبر منها وبعدها عالج صياح البنت الصغيره ... طبعن بنته الكبيره كانت واقفه جنب البنت الصغيره الي تصايح ..
يقول انا تخرعت .. قلت عسى خير وش فيها بنتي هذي ؟
قالت هذي ماتنام وعندها قلق ونقص فيتمينات ومدري شنو ...
يقول صح عليها بنتي الكبير ماتنام ابد ..
والصغيره عطتها علاج ومن بعدها البنت ع الصامت هه هه

وكثير ناس اعرفها راحت عند هذي الحرمه .. تتعجب من وصفها الصادق

معقوله تستعمل ؟

والله شي يخرع .. كيف هالحرمه هذي ، مجرد ماتشوفك تعرف وش فيك ؟

انا سمعت ان الدوله مسكتها مرتين وطلعتها .. والحين مازالت شغاله والعالم عندنا بالكوووووم

[@عيون الصقر@]

ياشينك ياحبشي انت واذانيك هاتها من الاخر وعلى بلاطه السرطان اذا استفحل ماله علاج وام فيصل مهبوله في مجال الكشف اللاسلكي

[رتاج]

فراشة نجد اسأل الله ان يشفي قريبتك
في حديث عن الرسول صلى الله عليه وسلم يقول ( عجباً لأمر المؤمن إن أمره كله له خير وليس ذلك لاحد إلا للمؤمن إن اصابته سراء شكر فكان خيراً له وإن اصابته ضراء صبر فكان خيراً له)
وبإذن الله . بالصبر والدعاء تتحسن حالتها دعواتي لها بالشفاء العاجل

[إشراق]

فراشة نجد

أسئل الله أن يشفي قريبتك

وطهور ونور بأذن الله

[جورينا]

السلام عليكم ورحمة الله وبركاته ؛؛
صبحكم ربي بكل مايسركم ويسعدكم يارب ؛؛

بنت البدائع ؛؛ منال ؛؛ فتحي الشقاقي ؛؛
كوين بريدة ؛؛ راشد الصليحان ؛؛ شمس الرياض ؛؛
الذاهبة ؛؛ جنان ؛؛ عيون الصقر ؛؛
لمبة شارع ؛؛ رتاج ؛؛ بنت بريدة ؛؛

يابعدي قلبي أنتم ربي يجزاكم عني كل خير ويفرج همومكم جميع ؛؛
والحمد لله على كل حال ؛؛ ماقصرتوا ربي ماخيب رجايء بكم ؛؛

[قصمنجيه]

هلا فراشة ...

عسى الله أن يرفع عنكم, و عليكم بالصبر و الأحتساب و الرضى بما قسم الله ..
أيضًا الأستقرار النفسي أهم من العلاجات الكيماوية, فإن مع رضاها أجر بإذن الله و علاج, فالحمد الله الذي جعل أمر المؤمن كلّه خير.

[@عيون الصقر@]

الحمدلله وكفى والصلاة والسلام على الرسول المصطفى

انا مبسوط جدا جدا مرة بالحيل بالحيل بمناسبة قدوم شهر رمضان وانتهاء الاجازة

هالصيف كان ثقيل على الاعضاء المستديمي التواجد بالمنتدى

الاجازة طويللللللللللللللة واللي ناوي على سفره راح مكه اسبوع ورجع يركض لبيته وعشان الجو صيف حاااااار تميز ماشاء الله بصلخ الجلد مما دفع بالكثير من الشياب والعجايز والمراهقين الى ان يستخدموا الزبنه بالغرف والتبطح تحت المكيفات واستخدام الانترنيت بشكل مفرط وبالذات منتدى بريدة وعشان كذا شفنا نماذج الحمدلله العاطي من كل بحر قطره لكن الامل بالله ثم بالدراسة تبي تقشع الكثير من المدرسين والمدرسات والمراهقين والمراهقات وقليل من المبزرة فالف مبروك عليكم قرب صفاء الاجواء

[قصمنجيه]

على طاري السرطان ...

لي من القريبات كانت تجزع عند ذكر السرطان, ثم بعد فترة أصبح لديها اعتقاد بأنه سيصيبها, و كانت دائمًا تردد بأنها ستصاب, و ستموت منه. فاصابتها الوساوس, و مرضت مرض نفسي جراء هذا الأعتقاد سنين طويلة و الآن هي مصابة فيه ..!!!
لهم سنة مكتشفينه تقريبًا ... طيب هذا وش يسمى ..؟؟
هل هي جعلت الله عند ظنه..؟؟ أم هي حاسة عاشرة..؟؟ أو هي الصدف..؟؟



.

[كـامـو]

[align=center]فراشة نجد

الله يكون بعونك و عون صاحبتك

و الامراض التي كالسرطان دائما ما نسمع أنه أتعالجوا بماء زمزم أو عن طريق القراءة

فيا حبذا لو جبتوا لها ماء زمزم و الا أرسلوها لأحد المشايخ لعله يكون سببا و يلطف الله فيها

و إذا تبين نصيحتي روحوا فيها للشيخ أحمد المنصور

و الله يشفيها و يفكها من هالمرض يا رب

.[/align]

[الذاهـبـة]

اقتباس:  المشاركة الأصلية كتبت بواسطة قصمنجيه     على طاري السرطان ... لي من القريبات كانت تجزع عند ذكر السرطان, ثم بعد فترة أصبح لديها اعتقاد بأنه سيصيبها, و كانت دائمًا تردد بأنها ستصاب, و ستموت منه. فاصابتها الوساوس, و مرضت مرض نفسي جراء هذا الأعتقاد سنين طويلة و الآن هي مصابة فيه ..!!! لهم سنة مكتشفينه تقريبًا ... طيب هذا وش يسمى ..؟؟ هل هي جعلت الله عند ظنه..؟؟ أم هي حاسة عاشرة..؟؟ أو هي الصدف..؟؟ .

مرحبا قصمنجية ..

هذه الظاهرة لها تفسير علمي عند أخصائي علم النفس ..

المثل المصري يقول : اللي يخاف من البعبع يجي له ..

المفروض البني آدم يتوكل على الله .. ولا يتشائم بالشر لنفسه ..

لعل الله يساعدني و أفيدكم اكثر حول هذا الموضوع ..

[كـامـو]

[align=center]

اقتباس:  المشاركة الأصلية كتبت بواسطة الذاهـبـة     مرحبا بك استاذ سيبويه .. والله أفلام مصرية و هندية ما احبها أبد يعني اشوف ياباني .. أو روسي ولا اشوف فيلم مصري .. .

أهلا ذاهبتنا

تصدقين أنا من متابعين للأفلام الهندي بقوة و يوم الاربعاء دايم معسكرين عند قناة الامارات عشان ابو هنود

بس ترى الفيلم إذا صار حلو يفرض نفسه بغض النظر عن جنسية الفيلم أو مدى شهرة الممثلين اللي فيه

و أنا أذكر بعض اسامي الافلام و عسى الاسبلنك صح علي

منها...... deja vu

و كذلك 300 كذا أسمه على ما أظن

و فيه die hard و على ما أعتقد هذا له كذا جزء

و الاخير هذا تحفه و له كذا ثلاث أجزاء. و أسمه بورن أو burn

و أذا تبين نصيحتي تابعي مسلسل الهروب الكبيرPrison Break قصته روعة و مثيرة.

قسم ما شفت و ما راح اشوف مثله .... من الحماس خلصته بثلاثة أيام

و هو جزئين و كل جزء فيه 22 حلقه و الثالث راح يعرضونه السنه هذي



و فيه رابط عن جميع الافلام و يعطيك الافلام الحلوة و اللي عليها طلب

بس بدوره و اجيبه لك أنا مفرمت جهازي و مضيعه بس ان شاء الله اجيبه لك

الا هو مسموح أحط روابط مثل كذا و الا لا.

هذا ما عندي يالذاهبه و اذا فيه شي جديد خبرتك

دمتم بود[/align]