ياللي دفنتوا جثته ليه تبكون؟
لولا الحيا لأقول معكم خذوني
منه انحرمت وكنت أنا عنه مسجون
ماأذكر لمحته غير مره بعيوني
شفته وكانت فرحتي مالها لون
من لمحته عجزت لأوصف شجوني
ياليت كنت الكفن يوم تمشون
أبقى معه بالقبر ثم تدفنوني
أو ليتني من خلفكم كنت مجنون
أتبع خطاكم والعذر هو جنوني
أبكي وراكم وأدعي أن كان تدعون
مايكفي أنه عاش عمره بدوني
هاكم عمري اليوم تكفون تكفون
برخص حياتي دام خابت ظنوني
سميت قلبي عقب فرقاه ملعون
هو والليالي عن هناه منعوني
ياليتني ماعشت لحظه بهالكون
وياليت ربعي في سكات اذبحوني
وياليتكم عن همي اليوم تدرون
منه انحرمت ومن عزاه احرموني
بكيت لكن ماتظاهرت بالهون
أبكي وأقول : الموت سبه طعوني
وإن كان في حبي أناماتحسون
دلوني قبره وهناك اتركوووني
العرض الشجري