عرفت انا الدنيا وانا خاطري طاب
من همها واللي تخفيه للناس
كم فرقت ناسن بها دايم احباب
وصارت عليهم من بعد ذيك الاوناس
راحت رجالن باللقى تفتل اشناب
وما باقي الا الهم مع فاقد احساس
مافيه صاحب نذكره ضمن الاصحاب
والمشكله ياطاح بالراس كم فاس
والخيمه اللي ما تجود بالاطناب
يومي بها الذعذاع مع كل نسناس
ما فيه مثل الدين يا صرت منصاب
والبعد كل البعد عن درب الادناس
كلن يغيب وطاري الحق ما غاب
والحق واضح ما على الحق وسواس
دنيا الفنا من يرتجيها بها خاب
و يا سرعها بعد الفرح تقلب اتعاس
متقلبه تضحك من الناب للناب
متعوده ما هي بتثبت على ساس
يالله يا فتاح تفتح لي الباب
باب الهدى والدين به كل نوماس
وتغفر ذنوب اللي عن المعصيه تاب
انت الغفور ورحمتك تلبس الباس
والخاتمه يارب فتاح الابواب
تنزل علي سكينتك فوقها باس
العرض الشجري