تقطر كبدي (تسبدي)

[د.مطنش]

[align=center][/align] ................

ودي وتقطر كبيدتي ( تسبيدتي ) ان كل الناس يعرفون شوي عن بعض الامراض المهمه واللي يقدرون يعالجونها بالبيت ومايحتاج مستشفى واطباء ...........

خل بصور لكم الحاصل ................

يابو فلان الولد مادري وشبه يكح <<<<<<<< الام تدري ان الولد به ربو او حساسيه بالصدر وعندها علاجات له والمشكله توه جايه من استراحه والولد لاعب بهالبرد او لاعب بالتراب او لاعب بالثيل او مبربس بالمسبح مع باقي الاطفال <<< بقول مبزره واستحيت ....

المهم ان اجلس بالطوارئ واستقبل حالات مثل هذي نجي بشكل بسيط جدا وهو العلاج ولاغيره شي نحط اوكسجين وفنتولين وييدا البزر ينشق هالهوا هذا شوي وخف وراحت الكحه وضيق النفس ... ابوه مايصدق خبر وينبز البزر ويقشه للبيت <<<<<<<< طبعا هذا الكلام الساعه 3 الفجر ..........
طبعا انا اجيكم طاير وعاض شليلي ( البالطو حقي ) والحق الابو .......
انا: سلام عليكم اخوي ....
هو : عليكم السلام .........
انا : ممكن اجلس معك شوي بس ...
هو : ملزم يادكتور لاني مشغول .......
انا : انا بس ابي اشرح لك حالة الولد وبعطيك بعض الارشادات لانه مهم جدا تعرفونها .......
هو: يادكتور ذبحن النوم والله ماشوف ......... <<<<<<<< مايدري انه هو اللي جاب هالامر لنفسه
انا: براحتك انا حبيت بس اخدمك واوفر عليك اشياء كثيره لكن الله يكون بالعون ...
ماكملت جملتي الا وانا اشوف غبراته عند باب الطوارئ .........
هذي صوره بسطيه من الشي الحاصل عندنا بالطوارئ وبكل طوارئ .... شوفوا والله مالقصد شي من هالموضوع غير اني ابيكم تصحصحون شوي وتركزون ...........
اليوم بكتب لكم بشكل عام وش المفروض تسوونه والمواضيع القادمه ان شاء الله راح اشرح لكم كل مره مرض من الامراض اللي تقدرون تعالجونه بالبيوت .......... وابي منكم شي واحد بس هو الدعا لي بظهر الغيب ......
بسم الله نبدا :
1- معرفة حالة الطفل ولو حصل بالتفصيل (اذا عرف السبب بطل العجب )
2- الثقه بالنفس والتثقيف الذاتي او طلب التثقيف من الغير (ياحبذا يكون دكتور او انسان مختص)
3- معرفة الوقت المناسب لاحضار الطفل او المريض للمستشفى .....
4- معرفة العلاج المناسب ومعرفة طريقة عمله وكيفية استخدامه ........
قد اكون انقصت بعض الامور لكن هذه بعض الاساسيات (ترا العربي عندي شوي تعبان مشوها لي )......
المهم بأذن الله بكون على تواصل معكم هنا بالمنتدى الحين وكل حين ........... والعذر على الاطاله

.............. مع تحيات دكتور مطنش ........