تدرون آيش الي يشب كبدي

[المقلعة]

تدرون متى تشتب كبدي؟؟


انا أقولكم بعض ......الاشياء الي تشب كبدي





1///إذا جت أمي تصحيني لصلاة الفجر او العصر
ليتها تصحيني بهداوه لااااااااا
طع
طع
طع
مافيه ضرب بكل قوتها
والله اذا طقت ينخبص عقلي اقول ياربي اكيد انا مسويه شي ومعصبه علي
وتجلس ساعه على هذي الحاله الين افتح الباب...طبعا مع الهواش المستمر
وماشاء الله عليها ماتمل
لا وتقول ترى بجلس عند الباب
ومدري ويش يضيق صدري اذا جلست واصحى وفتحلها
اصلا هي الي بتمل اذا جلست
لكن يمكن لاني رحومه اقوم وفتح ماودي تنطق.....

واحمد ربي اني صرت اقفل الباب على نفسي ولا قبل
كانت تخش وتسحب البطانيه لين الصاله علشان اصحى





2///انك تروح مع احد بسيارته مشوار ويجي يقولك
انا مشتهي أيسكريم باسكن روبزن... ويوقف له بمحل
ويشاورك تبي
======>من شاور ماعطى
وانا اصلا قررت اكسر الحيى من هذي الناحيه
وصرت اقول....
وش رايك توقف عن نقطة ضعفي وتشاورني
ايه جيب لي الله يعافيك.....بالتوفي
=====> ماينفع معاهم الا كذا


3/// ونفس الحاله اذا جيت لجماعه لا وبعد راسك يوجعك
ويقولون تبي قهوه=====> يلعن أم الصرامه




4///إذا وقفتوا انتم وربعكم عند بوفيه بالكليه او الجامعه
والعالم زحمه..........
ولك فتره واقف
تجيك مااااااااشاء ذيك الطويله يمكن 180 سم او اكثر....بنت طبعا
وتجي بدقيقه وتمد يدها وتخلص شاريه والله ظلم

لا وإذا جيت بسوي مقلب كالعاده
واتفق مع خويتي تراي بصرخ واقول بعرصي تحتكم لا تنهبلين خشي بين البنات واشتري
واجيكم واصرخ.......بعرصي تكحتكم وخروا
واول من تركض وتتخبى وراي
خويتي.....يالله تخلف
مدري تغيبا ولا على نياتها




5///واذا ازعجني احد وانا احلم
والله ارد واقول لحظه بكمل الحلم واصحا
وفعلا والله ماينقطع والزين فيه اني اتحكم بالحلم واغيره



6////إذا حطيت لي آيس كريم بالفريزر القاه مأكول
واذا سألت أخواني
قااااااالوا......
ما أنكتب عليه أسمك



7///اذا جاك شحاذ(طرار)وعطيته ريالين
ويرد ويقول لا ابي خمسه
ولا تجي تقول له مامعي صرف
وماتدري الا هو مطلع لك صرف اكثر من الي بجيبك




.......الخ لو بقول كل الي يشب كبدي ما خلصت