بدوي وحضريه

[نـادر]

بدوي وحضريه

قالت ترى منت بحلو قلت رجـال @@ والزين ماهو من شروط الرجولـه

الزين يلقى عنـد لباسـت الشـال @@ والرجل زين ان كان زانت فعوله

قالت علامك تلبس شماغ وأعقـال @@ انت بدوي قلت بدوي من حمولـه

مالبس بناطيل لها انواع واشكـال @@ ومتر الشارع بعرضـه وطولـه

قالت أجل راعي معاميـل ودلال @@ شرب القهاوي تحسبونـه بطولـه

قلت اسمعيني وأفهمي كل الاقـوال @@ تمعني فـي كـل حرفـن اقولـه

كيفي يبنت الحضر دلـه وفنجـال @@ وحليب خلفـه بالمـراح معقولـه

احب الكرم والطيب وعلوم الابطال @@ مغروس فينا من زمـان الطفولـه

قالت ترى بنت البدو حظها مـال @@ قلت احذري حذرا تكوني جهولـه

بنت البدو يابنت تضرب بالامثال @@ غير الجمال وطاعـه الله خجولـه

زينه على كـل المزاييـن تهتـال @@ مثل القمر ينشاف ولا حد يطولـه

ماتنخدع في كل ماكـر ومحتـال @@ اللي لهم بالسوق صولـه وجولـه

هي مهرتن تصعب على كل خيال @@ ونتي ومثلـك عسفهـا بالسهولـه

قالت تغزل بي وشف حبت الخال @@ ناضر عيوني والرموش الكسولـه

ونضر جديلن فوق الامتان ميـال @@ ومبيسـم يعجبـك تنظيـم لولـه

قلت العفو مايستو زيـن وهبـال @@ والي تبينه شيبي عـن حصولـه

قالت وقلت كلمـت الحـق تنقـال @@ والزين ماهو من شروط الرجولـه








منقول