اللي بقـى لي مع الايام وفيتهـ
والضيق لو ينهمر تشربه ودياني
ماهي كبيره علي والحزن غنيتهـ
ولاهي غريبه اذا وقتي تحداني
الخوف ليامن نبشت القلب وادميتهـ
لاعشت زهرت شبابك وانت وحداني
كم جرح خذتهـ من الاحباب ضميتهـ
وجروح قلبي زكاة الحب خلاني
مطعون ...؟عادي جفا الاقراب داويتهـ
تعبان...؟ مبطي ردى هالحظ خاواني
صدمهـ...؟ بسيطه هوان الحال مريتهـ
مقرود...؟ ادري واذا حرمان عداني
مافاح همن لك الله ماتقهويتهـ
مامر حــزنن بغيري ماتبلاني
ياما وياما من الخذلان عديتهـ
الا بصاحب بعد عشره تناساني
ازريت لا انسى غيابهـ لين ناديتهـ
والموت لامن تجاهلني وجافاني
وينهـ يجيني وكل عتاب كنيتهـ
ياليت يدري بعد فرقاهـ وش جاني
من كنت طفلن وانا ارجاهـ في بيتهـ
شيبت واثرهـ على هالحال خلاني
حتى جناح العتب لرضاهـ ذليتهـ
ماطرت بعدهـ فرح من ذل جنحاني
ياقلب صبرك ترى كل شي سويتهـ
ماكان افضل من اللي كان بأمكاني
لو بي قوهـ على الهجران خليتهـ
لو بي ذرهـ من النكران يفداني
الجرح ارحم اذا يرجع من اغليتهـ
مجروح فدوهـ ولكن صعب وحداني
للشاعر عبدالله الظفيري
العرض الشجري