1- اذا اشر الكهرب او سمعت سقوط شي ناد على زوجتك حتى ولو كنت تعلم انه ليس عندها.
اتوقع ذي عادي تصير يعني مهب مستحيله ..
2-اقرأ عليها حال مرضها حتى لو كان المرض خفيف واعطها الدواء بيدك.
ايه هين ...!!ومن يخلي الكشتات عنهم
3- اذا تقابلت معها في البيت ابدها بالسلام مبتسم.
ايه هذا مااردى منه بعد
4-اذا دخلت البيت وهي نايمه قبلها مع راسها حتى تشعر بقربك وهي نائمه.
اتوقع ذي شايفته بمسلسل والله اعلم اجنبي بعد ...تش لا يدخل ينام وينثبر لايبلشه شاقيه كل النهار هالمسيكينه ..
5-اذا كنت تقهو خذ منها الدله وصب لها وقل سمي ياعيني .
ياعيني قووووووووويه لايقول هيه انتي ولا ياهيش والحياة باذن الله ماشيه ..بس عادي يصبون الرجال لحريمهم
6- اذا كانت جالسه بجانبك ومنهمكة بالسوالف امسك يدها فجأة وقبلها .
اخاف تنهبل الحرمه ...!!
7 - حاول تقبيل رجلها حتى تشعر بتواضعك لها.
الحريم مايبن منكم تقبيل يبن السلامه والاحتراااااااام .
8-اذا طلبت غرض ما ونسيت احضاره فلا تقل بعدين قل تبين اروح اجيبه طبعا تبي تقول لا .
وراه تقول لا يمكن محتاجته ظروري وهو نسى مشكلته يرجع يجيبه ...(على حسب الغرض والحاجه له الصدق عاد
9-ذا كانت بالمطبخ او في اي مكان تعمل اعرض عليها خدماتك .
ايه تغسيل مواعين شي ماشيات
10 - اذا كانت مريضه فلا تدعها تعاني وحدها كن بجابها ولو بلطف العبارات والحركات.
يجدعونه عند اهله وانت الصادق
11- اعرض عليها دعوة اهلها الى بيتها (تعزمهم )
ماله منه بيته تعزم اللي هي تبي
12- لاتقل فلانه قل ام فلان .
ووووووع وراه تبيه يكبره ...وراك ماقلتي يدلعه وحركات ..
13- اجعل يدك رطبه بالمال .
ايييييييييييييييييييييه هذا الزين ياهلاوين هذا اللي نبيه
14- اذا اويت الى فراشك اجعل يدك مشبوكه بيدها.
وراه تبي تضيع والا يدله الطريق ...الاحلام شينه
15-اجعل نقدك تلميح وليس تصريح.
صح بهذي معك حق
16- لاتنسى او تتغافل عن شكرها على اعمالها.
وهذي بعد نقطه مهمه
17- اكثر من الاتصال وارسال االرسائل عند تغير حالتها النفسيه .
صحيح عالاقل تحس انك معها وحاس فيها
18- اعطها بعض اسرارك واستمع الى اسرارها التى لاتؤثر عليكم .على حسب العقلياات ...فيه بعض الرجال والحريم ماتقول ولا نتفة سر ...
19- اذا غلطت زوجتك فمحو وغفر الزله كم تغلط وتجرع غلطاتك .
من جد هذا المطلوب عشان تمشي الحياة
[/quote]
ترى الحريم حليلات ومايبن شي كثير يبن الاحترام والتقدير وعدم التهميش والاهتمام فيها وبالبيت ووالمعامله الحسنه و تجاهل الاخطاء التافهه وعدم تصعيدها ...التناصح بينهم والمشاركه بامور الحياة ..
على فكره انا رايي ان الحرمه مرآة لزوجها اذا هو كويس معها راح تكون مثله والعكس ...
العرض الشجري