طبعاً الكل عارف إن الشعر الجاف يحتاج ترطيب مكثف و مكثف و مكثف بس كلنا نبغا نتيجه سريعه وفعاله بنفس الوقت .
- الزيوت :
أنا من تجربتي ما أنصح بالزيوت .. لأنها بطيئة المفعول ، بمعنى أصح تحتاجي من 3 لـ 6 شهور لاجل تبان نتيجة حلوة وواضحة غير كذا حوستها حوسة وبعض الزيوت لها ريحة مو محببه لكن مميزاتها إنها تغذي الشعر وتحميه وتعطيه لمعان وتنعمه وترطبه
من أفضل الزيوت اللي جربتها
- زيت دابر أملا نتايجه حلوه وملحوظه بشكل كبير لكن ريحته تحوم الكبد فـَ ما استمريت عليه بس ابرز شي لاحظته في الزيت انه ينعم ويطول الشعر
- زيت جوز الهند يطول الشعر بشكل رهيب بس برضو له ريحه مو كويسه
- زيت اللوز الحلو اللي لاحظته يعني ترطيب للشعر لا أكثر
- زيت الزيتون يعطي لمعه ، بس لازم تخففيه بزيت ثاني لانه ثقيل على الشعر
عموماً الزيوت بشكل عام ما أحبذها وأغلب اللي استخدمتها ما استمريت عليها ، ولاحظت فقط النتايج المبدئيه لها
- حمامات الزيت :
حبيبتي صاحبه الشعر الجاف ترا كلنا في الهوا سوا حمامات الزيت أفضل علاج للشعر الجاف ، تعتبر بديله للزيت وحوسته وما تاخذ منك وقت بالكثير ربع ساعه أو اقل . والنتيجة فعاله وحلوه وسريعه ، لكن كثرته تسبب تساقط للشعر وتسبب ليونه شديده للشعره .
باذكر أفضل الأنواع
ممتاز جداً يعطي نعومة وترطيب ، ونتيجته افضل لو تعرض للحراره
ماحسيت بفرق كبير بينه وبين فاتيكا ، كلهم يرطبو بشكل كبير
هذا اجملهم له ريحه حلوه حيل ، طبعاً اللي بالصوره بالقمح لكن استخدمت انا بالمشمش ترطيبه اقوى ويلين الشعر اكثر
- الكريمات :
شيء مهم وما نستغني عنه ، يرطب الشعر ويغذيه ويحميه من الاشعه والحراره ، ويامكثر الاشكال والانواع من الكريمات غير كذا الكريمات تعتبر حل دائم لجفاف الشعر .
باتكلم من تجربة شخصية
ممتاز جداً ينعم الشعر ويتركه رطب فتره طويله يعني لا تشيلي همه
ترطيبه مو قوي بس احلى مافيه انه مو دهني يعني ينفع قبل الدوام لانه ما يزيت الشعر وما يعطي لمعه ابداً
أحلى كريم شعر ، بعد ما استدليت عليه تركت كل الانواع ترطيبه جميل وقوي بس العيب فيه انه يزيت الشعر ويتركه لامع بقوه كانه ما تغسل بس بعد الاستحمام احط مسحه خفيفه مره ويترطب الشعر وتكون لمعته طافيه وخفيفه بس للتأكيد : مسحه خفيفه جداً !
كثير كريمات استخدمتها بس ما اعطتني النتيجة اللي اطمح فيها والثلاثه اللي ذكرتها فوق من أفضل الكريمات اللي ناسبتني
كلمتين قبل لا اقفل طاري الكريمات التقصف مشكله ملاصقه تماماً لمشكلة الجفاف باذكر شيئين حلوين للتقصف أول شي قبل لا تبدي علاج التقصف قصي اطراف شعرك لأنها مستحيل تتعالج وهي تالفه قصيها بعد كذا اهتمي فيها
مسحة بسيطة على اطراف شعرك يومياً وبيقل التقصف بشكل فظيع يعني بدال ما تقصيه شهرياً بتقصيه كل 3 شهور أو 4
مسحة على فروة رأسك ومسحه على أطراف شعرك وبيصير لك شعر ولا احلى بإذن الله احلى شي لاحظته بالتونك إنه يطول الشعر ويعطيه لمعه حلوه مو مزيته
- الشامبو
لما تجي تختاري أي شامبو لا تهتمي للريحه ولا الشكل ولا اللون ولا الخ أول شي انتبهي لـ كلمه [ للشعر الجاف ] .. ومو شرط يناسبك بس الحياة تجارب ونتعلم من أخطائنا في المرات القادمه وعن تجربة أنصحك بـ :
أفضل شامبو للشعر الجاف من وجهة نظري يعطيك ترطيب مو صاحي ، وينفع قبل الستريت لانه يسيح الشعر حيل
دوف برضوه ممتاز وترطيبه عالي جداً
أنـا يومياً كنت استخدم شامبو قارنييه وكريم باراشوت وكريم بالمرز وتونك الفازلين وأسبوع بس وشعري يهفهف
ختاماً باقول كلمتين واخلص الموضوع :
- المايونيز ، كثير ينصحو فيه للشعر الجاف ، وهو ممتاز جداً لأنه كله بياض بيض بس الريحه سيئه جداً ( ما أتكلم على النعمه الله يديمها ) ، اتكلم يوم تمر وحده قربك وتشمي ريحه المايونيز فيها ، يعني اللي تستخدمه تنتبه لـ هالنقطه ، لأنها تكون أخذت على الريحه وما تميزها بس اللي حولها يتضايقو بقوه .
- ثاني شي البيض ، البيض كثير يسخدموه للشعر والبشره و و بس سمعت دكتور يقول إن البيض أحياناً تكون فيه مخلوقات حيه دقيقه ما تموت الا بالحراره ، وحنا نلطخ وجوهنا وشعورنا بالبيض ، بعد فتره ممكن تحسي بحكة واحمرار ، فـَ ابتعدي عن البيض افضل لك والحمدلله فيه بدائل كثيره له .
ومن اليوم إن شاء الله تقولي مع السلامه للشعر الجاف ومع السلامه للشوشه المنفوشه
أتمنى الموضوع فادكم ولو شيء بسيط اللي تستفيد تعطيني دعوه حلوه في أمان الله (L)
..
، طبعاً اللي بالصوره بالقمح لكن استخدمت انا بالمشمش 
العرض الشجري