~~(( شـي تستحــي منــه بـده ))~~

[المستشارَ]

السلام عليكم ورحمة الله وبركاته

:::



شحّيت عنّي بـ( شوفك ) صاار لك مـدّة
واليوم ( صوتك ) بعد شحّيـت بـه عنّـي


قبل أمس لك صدة ٍ واليوم لـك صـدّه
زودن على مابي امن طعون تطعنّـي!!


إن ماات شوقك .. فشوقي واصل ٍ حـدّه
وإن كنت رايق .. فعقبك ماا ضحك سنّي


أرخي لك الحبل .. وانـت تعـوّد تشـدّه
صاار ( الجفاا ) فنّك .. وصاار ( الوفاا ) فنّي


هذي سوايااك فاللّـي خصّـك بـودّه !
تعيّشه فـي عذابـك وأنـت متهنّـي !


هذا جزا اللّي هواك وحـبّ مـن جـدّه
عااش يتمنّى وقضّى العمـر متمنّـي !


الله حسيبـك بقلـب ٍ صـاار مسـودّة
والله حسيبـك بحـاال ٍ صـاار متدنّـي


صبري قضى .. واللياال السـود ممتـدّة
العمـر تـوّه وأشـوف الهـمّ زابنّـي


عزّي لمن مثلي الدنيـاا غـدت ضـدّه
ربّه كتـب لـه يعيـش العمـر متعنّـي


ياا صااحبي .. صااحبك كفّه علـى خـدّه
يغفـي لـه شـويّ ثـمّ يفـزّ ويونّـي


يضرب بيدّه مـن الضيقـة علـى يـدّه
ومن القهر يعتلـي المشـراف ويغنّـي


ياا صااحبي .. والدروب اليـوم منسـدّه
وش عااد بااقي بعد ماا خااب بك ظنّـي


قاال المثل (( شي منّه تستحـي .. بـدّه ))
وبقول لك شيّ فـي صـدري وغاابنّـي


قلبي وداعه معك .. واليـوم .. قـد ردّه
هااته بماا فيه وأخـذ وداعتـك منّـي


ومانيب أبي منك .. لا حااجة .. ولا مدّه ..
أبي اتصـاال ٍ عـن أحوالـك يطمنّـي


من عيد لى عيد .. دق .. وفضلك أعـدّه
ويمكن لا دقّيت رقمـي .. مـاا تعينّـي..!!

فقط راقت لي ل جمالها ..~