صباحكم __"" تفاؤل
قبل سنيييين لما كنا صغار
في يوم عيد الاضحى المبارك
كــالعادة طالعين بالشارع نشوف الناس وحركتهم وتوزيعهم اللحم على بعض ,,,,
الا اخوي يلقى ألبوم صور طايح على الارض وياخذه ويفتحه
وياالله ماراح ننسى هاليوم ولا هالالبوم !!!
رجل اشقر شعره طويل لابس بدله ( يعني شكله مو عربي )
مضروب من عند الفك ( يعني الفك متدلي ) وميت
ومصور اكثر من مرة !!!!!!
والمرعب اكثر ..
ان الصور مو من جريدة أو مجلة
لا
صور فوتوغرافية صااااافية
يعني اللي مصوره واقف عنده مباشرة !!!
وبسرعة اخذتهن امي واحرقتهن
تخيلوا اطفال يناظرون كذا
اذكر اني والله بغيت افقد عقلي لكن الحمدلله ربي ستر !!
اما اخوي اللي لقى الصور ,,
قعد سنييين وهو فيه عقدة
كل ماجاء يوم العيد تذكر الموقف والصور
لكن الان الحمدلله نسى الله يديم عليه
الى الحين يضرب بروسنا مليون سؤال
من يكون هالرجل ؟؟ ووش جاب هالألبوم بالشارع وعند الباب ؟؟
من اللي صوره ؟؟ ووش غرضه ؟؟ ... الخ
___________________________________________
لاأعتقد ان احدا منكم لم تمر عليه لاأقول عقدة بل عقد
لكن هل لازلتم تعانون منها ؟
ام تخلصتم منها واستطعتم السيطرة عليها ؟؟
يارب اجعل جميع الاجابات //
(نعم تخلصنا منها واصبحت في سجل الماضي المنسي)
ولا تبقي في نفس مسلم حرجا يااارب ..
نريد سردها هنا وان كانت ستبعث في نفوسكم الالم وتجدد الجراح
فعذرا مقدما .....
العرض الشجري