البارحه .. ما بين همي والأوراق
جر القلم طاروق حزن ٍ... يسليه
وآسترسلت آبيات شعري من اعماق
الموقف اللي مر .. وازريت آعديه
موعد لقا ...مبني على نية فراق
كان الأخير وضيق الصدر طاريه
وماهي غريبه لو أقول الصدر ضاق
لكن الأغرب كيف ما أودعه فيه
كانت دموعه تختنق بين الأحداق
ونظرات عيني تقتله ثم ،،، تحييه
كني جلست آعلمه كيف يشتاق
وكنه يعلم شعري شلون ،، يرثيه
شح الزمن بموادعه والمسآ ساق
حزن القصايد والعتب والمشاريه
ياليل والله ما ورى ليلك آشراق
النور عانه يسحبه في خطاويه
عشاق قلي ليش أو ويش عشاق
الا ضحايا وقت مدري شسميه
يقطع سنين العشق يا درب الأشواق
ياليت بيدي شي ،، وآقدر اسويه
العرض الشجري