السلام عليكم و رحمة الله
يا أعضاء قبل ما أبدأ كلامي لا تعتبون علي ولا تلوموني
قررت أعترف بحبه و أصرح بأسمه و أطلع من منتدى بريده الظروف حدتني أعترف بقصة حبي أسمعوا و أحكموا أنتم و أنا راضيه بحكمكم
بتقول تكذب لا والله إن كل كلمة كتبتها هنا صدق و ما فيها كلمة وحده كذب
عارفه راح أطرد من المنتدى و السبب هالموضوع بس هو يستاهل لو يبي روحي فدوه له
و تسألون ليش أخترت قسم الاستراحه راح أقول لأنه أول موضوع في المنتدى كان هنا
و الأعضاء إلي دخلوا قلبي كلهم من رواد هالقسم
فحبيت أودعكم من هالقسم الغالي على قلبي
حبيبي أسمه عبدالله و أسمه منقوش بالقلب و الروح
من سكان الرياض و حلفت الله من يعرفه يسلم لي عليه
حبيته من أيام المراهقة
و لا تلوموني الكل حولي يتكلم عنه أبوي أغلى البشر و قدوتي ما على لسانه إلا مدح له و بأخلاقه و حسن تصرفه
أخواني كلهم معجبين فيه و يتمنون يصيرون مثله
الكل من حولي يمدحه
لما توفى أخوه الله يرحمه شفت الحزن بعيونه بكيت غصب عني يا ناس ما أقدر أشوفه حزين
تحمل المسئوليه من بعد موته و كان عند حسن ظن الكل
اليوم أحلفك بالله يا إلي تقرأ موضوعي و تعرفه توصله سلامي و تقول له الحمد لله على السلامه
مرضه هو إلي خلاني أصرح بحبه
هو مريض و أنا عاجزة ما بيدي شيء أسويه
مريض و ليتني أشوفه بعيني علشان أطمن قلبي الملهوف
متأكده ما راح يعرفني بس أبيه يعرف أن فيه إنسانه تفكر فيه
من خلف الشاشه أقول أسمه بجرأه و مقرره بعدها أطلع من مدرسة المشاغبين
أسمه
عبد الله بن عبد العزيز آل سعود
يا علني فدوه لك يا ملكنا الغالي
ألحين بسجل خروج و أدخل بعدين أن شاء الله
متضامنه مع حملة( صف النيه)
خخخخخخخخخخ
تعيشون و تأكلون غيرها>> بس لا تكثرون يمكن يجيكم عسر هضم
لكل من ذبحه الفضول و دخل هنا لا تحرمني من ردك
تحياتي
العاشقه فراولــهههههههههههههههههه
منقووووول
بطلع من منتدى بريده بس بعد ما أعترف بقصة حبي لعبدالله
العرض الشجري