اختي حلاتي بعنادي ...صراحه شفت الموضوع بالاول ماتوقعت الطب هو المقصود قبل مااقراه ..
انا احب ان اقدم لكي نفسي كطالبة طب في المرحله الاكلينيكيه في مستشفى التخصصي ..
انا الان في اجمل مراحل تعليمي امارس حلمي واتعلم بنفس الوقت واجد المتعه الكامله فيه ولااخفيك وجود بعد الارهاق في الدراسه خصوصا الاكاديميه في جامعة القصيم لان نظامها جديد شوي وفيه معلومات كثيره واول ماتدخلين المستشفى وتبداين بتطبيق مادرستيه ستنسين كل الصعوبات اذا كنتي من جد مهتمه بالطب كمهنه ..لن اطيل الكلام واضرب مثاليات حقيقه انا كنت اسمع من دكتوراتنا في الجامعه ان الطبيب لا يحس باهمية مهنته وشرفها الا اذا ساعد مريض على تخطي الالم طبعا بعد ارادة الله سبحانه ..
الطب كعلم و وظيفه تبحثين عنها تحتاج الكثير من الوقت والتفرغ الى حد ما ...يعني مااقولك 24ساعه تذاكرين ترى مو صحيح ..ولا له داعي المبالغه في هذي النقطه ..وكمان دعم الاهل مطلوب وتشجيعهم غالبا يدفعك الى الامام ..
وبالنسبه الى تكوين اسره الرجال بطبيعتها تختلف يعني فيه من يمنع حرمته للذهاب للسوق مثلا وفيه لا ..وانا اصدقك القول فيه بنات من دفعتي ومن دفعات قبلي تزوجوا وعندهم عيال صغار ماراح اكذب عليك واقولك فيه وقت كثير لهم وللبيت بس مامنعهم الطب من هذا الشي ..ولا بعد متزوجين من موظفين عاديين لا اطباء ولاشي ..
انا اقولك الناس يختلفون والعوائل تختلف ومستحيل يتفق الناس على راي واحد يعني لاتنتظرين ان يؤيدك الجميع ابداا ...
بس نصيحتي لك انتي الاعلم بمن حولك ومجتمعك بعيدا عن فكرة الزواج فقط لان فيه ناس ينبذ البنت اصلا ..
وانا بالخدمه اي سؤال اي شي تامرين .
وعموما انتي زوري المستشفى مره وشوفي وضع الطالبات ولكي الحكم اخيراا..والجامعه ماقصروا يعني حتى السنوات الاكلينيكيه الطلاب في مستشفى والطالبات في مستشفى اخر يعني يسهلون الوضع شوي ..
انا اقولك عن تجربه لايوجد ازعاج ابداا في المستشفى حتى ان وجد فهو قليل والجامعه وضعت منسقين هناك يهتمون بالطالبه من جميع النواحي ..وستجدين هناك من يشجعك بل ويدفعك الى المثابره والاجتهاد من المرضى انفسهم ومن الزوار والكثير منهم مرحب بالطالبات ..انا مااقولك الكلام هذا عشان اشجعك بالعكس انا ضد من يدخل الطب وحوله من اهله ومجتمعه معارض ...لانك راح تفقدين طاقتك وشجاعتك في اول مشكله بالدراسه ..
انتي استخيري لان دائما ربك يختار لك الافضل واستمعي لاهلك وخوذي برايهم فقط ...واجعلي قرارك من نفسك وقناعاتك ..
وتاكدي ان مهنتك لن تحدد قسمتك ونصيبك وترسم حياتك المستقبليه لان قدرك فقط الله من يعلم به ..وتاكدي ان الزواج والاسره هي قسمه ونصيب ..ومن منع عنها فقد منع شر .وقدر له الخير بعيدا عنها
واسال الله لكي التوفيق والسداد وان يكتب لكي الخير حيثما كان ..ويرضيكي فيه ..
العرض الشجري