بسم الله الرحمن الرحيم
عيدت ولا عيدت
ونمت وقمت
متى الله أعلم ما دري
ومن الطفش فتحت النت
وكتبت ها المقال :-
تخيلوا معي
لو من بكرا بدت مسلسلات شوال
ومن أكثر من شهر إعلانات برامج شوال !
وش حالنا برمضان ؟
بعدين ما أعجبني الموضوع !؟
قررت أكتب عن البنوك والقروض والديون
وكيف حالة الناس حالة
وأحوال راتب شوال وكيف استلمنا الراتب بدري
وكيف سندفع الثمن وطرطعان البزر بواحد شوال
غير طرطعت بوك الرجل بسطعش شوال !؟
بعدين ما أعجبني الموضوع !؟
قررت أكتب عن أحوال الشباب والحلاقين والقصات
وسوء التوقيت وقلت الحيا
وبغيت أمزح وخفت من الفهم الخطاء وأنا ما علي نقص
بعدين ما أعجبني الموضوع !؟
قرر أكتب عن طريقة تفكير البلدية في بعض
الأمور ومن استفاد منه هل أشخاص وأسر
أو الديرة ( كل عام وانت بخير يا ريس )
لكن قلت مالك ومال وجع الراس بها العيد
بعدين ما أعجبني الموضوع !؟
جيت أبدخل لتفكير من يفحط صبح العيد
وعدال قصيت الموضوع ولا أعجبني مره
بعدين قلت ورا ما أكتب عن بعض الكتاب
اللي مثل قوانين المنتدى في كل المواقع
تذكرت ولدي الصغير يقول لي
كل أكثر أصدقائي يكتبون بالمنتدى ؟
قلت ما يحتاج خذها من غير فقيه
وبعدين ما أعجبني الموضوع ؟؟؟
وأخيراً عرفت من وين جان عدم التركيز !!!؟؟
أم محمد على غير العادة معيده عند أهله
ويوم هي عندي طبعاً أصوم وأفطر على العادة !؟
وجيراني من الجهات الأربع ما شاء الله تبارك الله
ما تسمع إلا حنين الإستشوار من الساعة ثلاث
طبعاً يتجهزون للعيد !؟
وأنا لا صوت بزر ولا بخور بجمر
على شان كذا مفطر رز و لحم ومتغدي بعد رز ولحم
ومتعشى دجاج على الفحم
ومتغلق تغلقت الربيع يوم يطلعون من الربيع
والسلام للجميع مصحوباً بالمعايدة
لم يعجبني الموضوع فقررت ......................!!؟؟؟
العرض الشجري