الاخت الكريمة ..
موضوع جميل وعميق ويحتاج فلسفة ..
ولكن قبل كل شي المحل له الحق في ان يشترط شروط البيع على مايريد .... وان لم تعجبنا ..
اولا طال عمرك انتي كمواطنة عليك ان تدخلي السوق وانت تعلمين علم اليقين انك في حرب
بمعنى ان الباعه يحاولون سرقتك ونهب مالك .. لذلك فلاتشترين الا شي معلوم القيمه وبعدين المشتريات الكبيرة (ليست اليوميات ) لاتشترين الا اخذه لفه على المحلات ومقيمه الاسعار .. بالذات الغالي ثمنها .. ففي اثناء الجولة على المحلات والتقييم ستجد خيارات اكثر وربما عروض اكثر وربما لقيت نوع احدث واجمل من حاجتك ونفس سعرها
وودي اقول شي .. البعض مع احترامي يساعد العمل يسرقونه .. يساعد على سرقة نفسه ... يعني يبغا له غرفة نوم او شاشه ب4 الاف او 5 الاف ريال .. يروح العصر ويطقها ويمشي .. بعد 3 ايام يلقا نفس حاجته بمحل ثاني مثلا بناقص 1000ريال.. يجي يشتم وحسبي الله عليهم وغشوني .. و..و..
نقوله طال عمرك تستاهل اللي يجيك واكثر ..ليه يوم انك بالبرحه وقبل توهق مارحت لكذا محل وقارنت وعرفت ودرست الموضوع ثم قررت ودفعت ...
لكن البعض اسميه انا (ربيع العمال ... ) هذا اللي من يوم يدخل المحل والعامل ضامنه ولا بكل غباء يسأل .. صديق الحاجه هذي زينة ..
ياغبي اكيد العامل بيمدح سلعته تبيه يقول ماهي زينة 
ثانيا يجب ان تتحلي بالمعرفة والاحترافية .. بمعنى سوي سياسة لمشترياتك واعرفي منين تشترين
ثالثا خليك خواجه .. يعني الخواجات لا شاف لوحه في المحل لازم يقراها ويعرف معناها ومن ثم لاتجدين احد يجادل في الغرب .. ليش .. لان كل شي معلن .. (سياسات معلنة ) على قولتهم ..
رابعا : وهو الاهم لو كل اخت فاضلة من الحريم الموقرات عنت نفسها واخذت متر بسيط لايتعدى حجمه 4 سم في حقيبتها وصارت تاخذ مقاس اطفالها ونفسها الطول كذا والعرض كذا .. لانحلت المشكلة .. وليس هناك حاجه للترجيع وخصوصا في ملابس النساء
واخيرا وليس اخرا اشكر لك هذا الموضوع وامل من الاخوة ان نتناقش لان النقاط التي ذكرتها مهمة بالنسبة للمواطنين الغلاباء .. وتساعد في القضاء على اطماع العمالة
العرض الشجري