خطأ : عندما يصطدم بك أحد وأنت تمشي .. ثم تسقط كتبك ...
ثم تأخذها وتمشي .. وكل منكما يتأسف للآخر ...
الصحيح : تمسكه مع ثيابه ... وتصكه بالجدار ..
وترفسه مع بطنه .. وحبذا تنهيها بركبة وإلا كوع ...
ثم ..
تقوله شيل الكتب .. ومرة ثانية فتح عيونك يالوح ..
2
خطأ : تفتح الإشارة .. ثم يعلق يزمر لك الي وراك ... ثم تطالع في المراية
... وتلقاه يهاوش ومعصب .. ثم تلوح بيدك تتأسف ...
الصحيح : تنزل له بمفتاح العجل ... وتطق القزاز عليه ...
وأول مايفتحه... جره مع شعره ... واجلده لين يقول العيد الليلة ...
ثم ..
قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..
3
خطأ : تدخل المحاضرة متأخر ... يقولك الدكتور اطلع برا يامهمل ..
ياللي فيك ومافيك ... ويصك الباب بوجهك .. ثم تروح وانت متضايق ...
.. الصحيح : تنتظره بسيارتك .. وأول مايحرك لبيتهم ..
حده على ماصورة ... والا جدار ... والا حاول تخليه يصدم سيارة
ثم ..
طلع راسك مع الطاقه... واضحك ..
4
خطأ: جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم
صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ...
هههههه الله يرجك والله لارد لك المقلب ..
الصحيح : تمسكه ... مع رجليه ... وتصبخه بالارض صبخ ...
وتجيب علبة الببسي .. وترجه رجا مبرحا ... ثم تفتحه بوجهه ...
ثم ..
تقوله لاصرت أخوك الصغير ... والا تمون علي .. امزح معي هالمزح
... وهالمرة بسمح لك عشان خاطر الموجودين .. والا تدري !! ...
ثم كسر العلبه... وحطها بمخباته ... وقله لاتطلعها من مخباتك الا اذا رحنا ...
5
خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة
.. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...
الصحيح : تاخذ لك بلكه ... وترميها عليه ... إن ضربته ... فهو خير ونعمة ... ههههههههه
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... بعدين ارجع له .. وتفرغ له ...
أكيد ما يتحمل لين وقت الصلاة الثانية ... وعلى مسؤوليتي بصيح ...
6
خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..
الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي
يفحطون حالها حال المطبات يعني]
7
خطأ : ساكن بالدور الأرضي ... وفوقك ساكن واحد ..
. وصارت الساعة وحدة ... وأنت بتنام ... واللي فوق لجه وصجة ...
ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام
... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..
الصحيح : دق على محل صحونالدش... وقله نبيك تجي تركب لنا الطبق بالسطح
... ولاتنسى تجيب الدريل معك ... لأننا بنركب 15 دش .. الليلة ..
ثم واصل للصبح ...
8
خطأ :متابع فيلم .. ومتحمس .. ثم يجي واحد من أخوياك ويغير القناة
.. بدون مايشاورك ... ثم تقوله ليش ياخي ماتشوفني متابع ؟؟
الصحيح : صكه بالصينية ... ولحقه ببياله والا طفاية الدخان ...
وخذ منه الريموت .. بدون ماتكلمه ... وحط فيلمك ... وتابعه بصدر رحب ...
العرض الشجري