[read]تعبت اشكي على دمع الوفا والحب من فراقاك
وعيني ياعديل الروح دمع العين محرقها
واسوق ألك البشاير كل ما يطرون لي طرياك
على طاريك أسوق المال وانت الروح سارقها
وانا لولاي اعيش الوقت مع طيفك وهمس شفاك
تلقيت الخلا في مغرب الدنيا ومشرقها
تخيلتك تناجيني؟؟ وراح الضيق من نجواك !!
تقول انه بهمسك ضيقتي عني تفرقها
فدتك الروح ياغض النهيد وكل شي فداك
غلاك يعيش به جسمي وروحي فيه مغرقها
سقى الله يوم تقبل لي تقول انك تعد خطاك
على وقع الخطا دقات قلبي يوم تطرقها
تبسم لي وعيني من شغف روحي تريد ارضاك
تسوق الك الفرح ويلوعها ساعة مفارقها
وعينك ناعسه والكحل يزهاها وهي تزهاك
رسمها الخالق اللي عن جميع الغيد فارقها
وشقر (ن) مثل شرطان الذهب مالت عن أمحياك
على حد الردوف امحوله من ساس مفرقها
وعودك ضامر(ن)وسطه وردفه فاتنن فتاك
ملكني مثل حر(ن)في سبوقه مايفارقها
عسى وبل الخيال يهل في دار بها مرباك
يساقيها على طول السنه لالاح بارقها
ويكسي عشبها ريضانها اللي يرتعه ماطاك
بعد طول الوقوت اللي مضت والارض تحرقها [/read]
العرض الشجري