ياليت الاقي حل لمشكلتي

السلام عليكم

انا متزوجه من ثلاث سنوات ولدي طفله ولله الحمد وحياتي حياة عاديه كأي زوجين الا ان زوجي عجزت افهمه للحين احسه غامض وصعب شوي كثير يهاوش وهو الي يزعل يهاوش على كل صغيره وكبيره وانا احيانا اسكت عشان ماينفعل ويزعل ومع ذلك هو الي يزعل مع ان الشي الي حصل تافه وماابي ياثر علينا بس هو يكبره ويزعل والمفروض انا الي ازعل من تصرفاته وهواشه لي وانتقاده وتهزيئه وكثير الشتم حتى لاصرنا جالسين بين اهله يومين راضي واسبوع زعلان واذا زعل مايرضى الا لمصلحه له او يبغى حاجه,,وانا احيانا امشي الامور عاديه واسولف واضحك عادي وانفذ له طلباته بس هو مايهمه لايرد ولا يضحك واذا كلمته رد من غير نفس واحيانا استحقره والله من تفاهت الشي الي زعل علشانه واذا شفته رايق جلست معاه وقلت له انت ليش زعلان يقول مازعلت طيب وش تسمي تصرفاتك هذي واكلمه بجديه وياخذ الامور ببساطه ومزح همن احس انه ماعنده اجابه وهو دائما اذا اخطاء مستحيل يعترف بخطاه يخطي ويزعل وانا الي اراضيه واحيانا يومين ثلاثه اخليه مااكلمه الا بالازم ,,حاولت اتجنب اي شي يزعله ومع ذلك يدور اي شي يهوش عليه والله عجزت احس اني مااتحمله واحيانا اجلس ابكي من القهر واحس اني اكرهه كثر مااحبه ولاصرت مقهوره اتمنى انه يطلقني وافتك من الهواش ووجع الراس’’
بس اذا صار راضي وكل شي عادي بيننا ماعندك احسن منه واتمنى يستمر زي كذا بس على طول يقتلب..
ياليت الاقي عندك حل لمشكلتي,,,