حـوآر بين لاب توبين !!

[الخيآلي]

السلام عليكم

أنقل لكم هذا الحوار
............
حوار بين لاب توبين

حوار بين لاب توبين يقربون لبعض بس من بعيد وتقابلوا صدفه في كوفي شوب

وصار كل واحد يسآل الثاني عن أخباره :

لاب توب 1: مساء الورد

لاب توب 2: مساء الإكسل
لاب توب 1: طمني عليك .. وش أخبارك..؟
لاب توب 2: والله توني مسوي فورمات من يومين .!
لاب توب 1: أفا يذا العلم.. عسى ماشر.؟؟
لاب توب 2: ابد والله كالعادة رفيقي إستقبل ملف على الماسنجر وضاعت علومي.!
لاب توب 1: وين الحماية عنك.؟
لاب توب 2: والله معي رفيقي المهبول هذا لا حماية تنفع ولا مكافحة تجسس.!
لاب توب 1: كم عمرك انت..؟ يؤ يؤ يؤ آقصد رفيقك كم عمره.؟
لاب توب 2: عمره 18 وماكملها بعد.
لاب توب 1: الله يعينك عليه .. شكله مخفة أجل .!
لاب توب 2: يابن الحلال كل ماجته إضافة على الماسنجر قبلها .. وهذا غير الغرف بالشات اللي مسنتر فيها 24 ساعه.!
لاب توب 1: تصدق آنا رفيقي اللي إشتراني ماعمره دخل غرف شات من عرفته .!
لاب توب 2: يابختك والله .. وش يسوي أجل.؟
لاب توب 1: والله مريحني آخر راحة .. يدخل على تداول ويبيع له كم سهم ويشتري كم سهم وعقبها يطلع بدون ولا كلمة.!
لاب توب 2: أجل شكله هامور من هالهوامير اللي نسمع فيهم .؟
لاب توب 1: أي هامور بس !! ماتشوف الضربة اللي في الشاشة.؟
لاب توب 2: إلا لاحظتها بس إستحيت اسألك عنها .
لاب توب 1: هذا طال عمرك مره خسف السوق وحط حرتة فيني ..! وضربني على وجهي خلتني ثلاث أيام في الصيانه لين تشآفيت ولله الحمد .!
لاب توب 2: طيب والحل.؟
لاب توب 1: آنا بالنسبة لي بينحل موضوعي قريب.!
لاب توب 2: كيف.؟

لاب توب 1: شكلة ناوي يشتري لاب توب جديد وبيقدمني هدية لأخته أو أخوه
.!
لاب توب 2: يابختك وبس.. حتى بهذي آنا منحوس فيها .!
لاب توب 1: ليش.؟
لاب توب 2: لأن رفيقي ماعنده إخوان.!

.
.
.

طبعا منقول