تصدقون اني خلال شهر واحد بس دخلت حوالي اربع استراحات ازور شلة الانس واسلم عليهم بس لاحظت شي على الشلة اغلب جوالاتهم مفصوله وهم دجيج وعلى الحديده وسئلتهم ليش جوالاتكم مفصوله . كلهم جوابهم واحد . كله من العنز بنت الـــ..... . اللي يقول وهه بس من فصلوه وانا حالتي حاله لا ليلي ليل ولانهاري نهار وقسم انكم ترحمونهم انواع البؤس .
واحد منهم يقول سددت ثلاثة الاف ريال على عنزتي ماقدر احبها واموت فيها .قلت ليش ماتخطبها طيب وشوله متعب رويحك ..قال اعوذبالله انا ارتبط بهاذي ,هاذي مثل الحمام كلن يدخله وانا احتري دوري بس علشان ادخل واطلع ولا ارجع .
والثاني يقول فصلوه علي خمست الاف ريال وهو خريج ثانوية وعاطل ومعه هايلوكس مثلي ونصاب محترف . يروح يستاجر بانوراما ويصور روحه بالبانوراما ويرسل لحبيبة القلب الصوره ويقول هاذي سيارتي ومشقي روحه وانواع القلق واذ جيته واثره يقرق بهالجوال بالساعتين والثلاث عليها وانواع الكلك وهمن قبل ماتسكر السماعه تقول له العنز حقته .عبووودي حبيبي ارسللي شحن بخمسين ريال محتاجتها وابغى زجاجة عطر مادري وش اسمه من النوع الغالي. وهمن يهج كشرته فرح ويقول انتي تامرين امر وتصفي على سلف من حدى العيال وعليه ديونن مايعلم بها غير رب العالمين .
والثالث والرابع وو وقصصهم مختلفه بس كلها تدور حول البنت .. وشلون لقوا بنات يغازلونهن ويكلمونهن وين اخلاق البنت ماعندها شرف هاذي ولادين .
اسئله كثيره براسي عن هالموضوع .
مشكلتي اني ادربي دميجتي بينهم وهم بوادي وانا بوادي .
يابنات لييييييييييييش تسوون هالشي مب عيب عليكن والله ان هالشباب ينرحمون لو تشوفون حالتهم بعضهم اذا زعلته عنزته تصدقون مايتعشا معنا وحزين وتمسك على اغاني حزينه .(اجر الصوووت)
كرهت شي اسمه حب وبنات بسبب هالدبش خوياي .
وراء كل جوال مفصول ...... بنت مغزلجيه
العرض الشجري