أسعد الله أوقاتكم بكل خيــــر
وكل عــــــــام وانتم بخــيــر
العيد من دونـك حبيبـي ولا شـي
يمل بعضـي منـه ويمـوت باقيـه
وش حيلتي مقدر أشوفك وأنـا حـي
المـوت لـو نـادى حياتـي بلبيـه
رجلي ثقيلة يا هلـي مقـدر أمشـيّ
لديـار مـا فيهـا حبيبـي أهنـيـه
وش هي معاني العيد لابسط هل الحي
غيـر بثيـاب العيـد يلقـى محبيـه
عندي وله كل يوم يكبر لـك شـوي
وعندي أمل محتاج نـورك يضويـه
يا حي طيفك لو يجي اليوم يـا حـي
طاري غيابه لا تجي الحيـن تطريـه
توني عرفت إنّ السما ما بهـا فـي
وإن الزهر بيموت لو غـاب ساقيـه
أنا بفجر العيـد نفسـي كمـا هـي
مثل أمس صايم غير عن جرح أداريه
والعيد له حسرة معـي يـا مـلا زي
دمعة طفل ما شـاف منهـو يهنيّـه
عيدي بلا شوفك حبيبـي ولا شـي
يموت كلـي فيـه والعيـد مـا بيـه