عـهـدي بـهـا قــدام تلـبـس عـبـايـه
وأنـا بعـد قبـل ألبـس شـمـاغ وعـقـال
طفلـيـن نتـهـجـا حـــروف الكـتـابـه
الله يامـجـمـل سـوالـيـف الأطــفــال
كانـت لنـا فــي كــل شــارع حكـايـه
وكنـا نـقـول عـلـوم مـاهـي بتنـقـال
وكـنـت أتـقـاسـم مامـعـاهـا مـعـايـه
مـن آيسكريـم التـوت لعلـك أبـو ريــال
وكـانـت بعكـسـي شـاطـره بالـقـرايـه
تقـرأ جــزء عـمـى وطــه والانـفـال
وانــا لــك الله مــن مــواري غبـايـه
مـدري أبـو نقطـه هـو الـذال أو الــدال
وكانـت لأبـويـه تشتـكـي مــن شقـايـه
وتعلمـه كـيـف أربــط الـبـاب بحـبـال
يامـا علـى ظهـري كسـر مـن عصـايـه
يقـول لـي خلـك وأنــا أبــوك رجــال
وأمــي تـقـول إدع لـولــدك الـهـدايـه
خوفـي يصيبـه كثـرة الـضـرب بهـبـال
لاشفتـهـا مـــع أول الـــدرب جـايــه
ماأدري أنـا اللـي ملـت وإلا الوطـاء مـال
أحــس قلـبـي يرتـجـف فــي حشـايـه
ماكـنـه إلا الضـيـف لاهــز فـنـجـال
يـامـا عــن السعـلـي تخـبـت ورايــه
لاخوفوهـا فـيـه ثــم شـافـت ظــلال
تـقـول ... خـلــك يا فلان مـعـايـه
وأستانـس ألـعـب عنـدهـا دور الأبـطـال
وأغـاااااار حتـى مــن عـيـون أصدقـايـ
لاطالعوها !!!
قلت...تكفوووون ياعيال
~..عهـدي بهآ قدآمـ تلبس عبآيه..~
العرض الشجري