((ــــــــــــــــ حريم قصيميات جايات من عرس,, لاتفوتكم ــــــــــــــــ))

[عزتي في حجابي]

تحياتي لكم جميعآآ اعضاء الإستراحة,,

والله شكلكم فلّة بالإستراحة,, بس للأسف قليل امر عليه,, دآيمآ مسنترة بالمجلس مادري ليه؟؟,,
<<<شكله تحب المناقر,,

بس تراني احيانآ احط مواضيع بس شهودي الله يهديه تمسحهن , شهودي وانا اختس موضوعي ذيّا مافيه شيء ان شاء الله مانتي ماسحته, ياحبيلس بعد

المهم مالكم بالطويلة بس ابقولكم سالفةحريم راجعين من عرس
ومعهم أخوهم ويسولفون :
أخوهم : اركبوا السياره ، وكل وحده تنتبه لا تصك باب السياره على عبايتها،،
وأول ما قفل الحبات إبتدأ النقاش بين الحريم : *
الأولي : وراه ؟ وش بتس تأخرتي ما جيتي ؟؟ *
الثانية : ساعه كامله قاعده أدور عباتي ،، أنتي ما شفتي الحريم تعالكن عند العبي
العبايات انحاسن !!*
الثالثة : يا ليتنا ما رحنا زواجهم !
* أخوهم : ليش ؟؟ *
الثالثة : زحمه ،، والبزران يتضاربون بقشور البردقان ويلعبون بالماء !! *

الأولى : ما شفتي ذيك اللي كبت القهوه على الحرمه اللي نيمه ؟؟
*
الثالثة : لا والله ما شفتها ، ، أنا ما شفت شي بالعرس كل الوقت قاعده
أدور نعلت بنتي منيره !! *

الأولي : لعنبو بليسك شفتي البزران وشلون نطوا على الحلى تقل يوز عون قروش !! *

الثالثة : خلاص يابنات يسد ،، قطعتن جلود خلق الله !! *

الثانية : يستاهلن ،، بلاتس ما شفتي البنت اللي بغت تضرب ولدي بالنعله ،، شوي
وأكفخهابس أمه قاعده بجنبها وقلت مابي مشاكل !!
*
الأولي : المهم وش رايتس بالفستان اللي لابسته هدى ؟؟
*
الثانية : موب زين !! *
الثالثة : أنا جازلي مكياج أمل تقول إن زوجة خالها جايبته لها هديه من باريس !! *

الأولى : تكلك عليتس يا خبله تلقينه من محلات أبو ريالين !! *

الثانية : خلاص يابنات يسد حش قطعنا البنات ترى هذا ما يجوز نتكلم عليهن ،، بس أنا ما قهرني إلا ذيك الحرمه اللي تقطع لي لحم بالعشاء !! *

الثالثة : إيه شفتها ،، موصية أحد عليتس ،، شكلها تبي تخطبك لولدها !! *

الثانية : وجع ،، من زينها هي وولدها ، ، قاعده تقطع لي من اللحم الكبار اللي ماحد ياكله وهي تبلع من اللحم الزين !! *
أخوهم : وش رايكم بالعشاء ؟؟
*
الأولي : دسم وكله شحم !! *
الثانية : بارد !!
*
الثالثة : اللحم كبار !!
*
الأولي : وفيه حريم ما تعشن قاعدات على الكرسي اللي بالحوش شايفات أنفسهن !! *

الثانية : حتي أم العروسه ما تعشت يا ويلي كل الوقت قاعده ترغي وتصيح !! *

الثالثة : عاد أنتن شفتن يا بنات ثوب رقيه اللي لابسته أمس تراوه هو اللي لابسته
لعرس عبير اللي قبل ستة أشهر ،، أستغفر الله العظيم يا ربي ،، *
الأولى : إي والله أثرتس صادزه تسيف ما تستحي بس تلبس هكا الثوب بكل العرسين !!

### بس خلاص ما يجوز !! صح والله ما يجوز !! وش عقبة !!

أخوهم : شوفوا لي حبتين بنادول اكسترا ترى راسي صدع من سو اليفكم !!

بـــــــــاي حبايبي