السلام عليكم ورحمة الله وبركاته
هلا وغلا
حللتم هلا ووطئتم سهلا
نور الموضووووع بوجودكم
وراح ينورالموضوع اكثر بردودكم
((اسئله ترفع الضغط))
مثلا :-
انت والاهل توكم جاين من السوق تجي اختك او اخوك الصغيره او الكبيره
الي في البيت تقول هاا جييتوا
( لا تونا بالطرييق)<<وش رايك يعني
انت الحين بغرفتك منسدح بفراشك ومطفي النور فجأه يخش عليك
اخوك او اختك ويفتح الباب ويقولك بتنام ؟!! (لا برقص - اكيد بنام !!)
---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس)
-----------
انت الحين بالكافيه صدفه شفت واحد من الربع او الاهل .. قالك هاا شتسوي هني !!
(ابيع مويه) !! لا تعليق
--------------------
لا وتعالو شوفو قنواتنا العجيبه اهما واسئلتهم !!
مثلا بالعيد بيقابلون واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- شنو تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا بيقول لهم : منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو الاطفال , , ,
يقول المذيع للطفل :- أنت تحب ماما وبابا ! ! !
(( لا احبك إنت ووجهك)) سؤال غبي الصراحه !!
----------------
برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زود الأتكيت يعني)
--------------------
يعني اسئله غبيه مثل هالاسئله ماشفت
يالله في أمان الله والله يحفظك من الأغبياء!
لحظة نسيت أسألك: قاعد تقرا الرسالة الحين؟؟
ج: لا قاعد أخيط نعالي!!
واللي عنده سؤااال مزي كذا
يسدحوووووه لسعة الصدررر
تقبلو تحيات اخوووكم:
@@@ طبعي تســذا @@@
العرض الشجري