&&ذكرياتي منوول هههههههه<<ودي اصيح تعالوا شوفوا &&

[الـست صبـيـبـه]

السلاااااااااموووعليكووووم

وش اخباااركمووو وشلونكمووو

وهـ وهـ .. متى نخلص من الاختبارات كسل.. قسم بالله مايصلح هالشي اللي يصير ..

الدراسه شي اوب زين شي وعي
. <<ياشين الطفوله المتأخره ..

والله اليوم قمت بدري ..

وقعدت انظظف واسوي نفسي (سالي ) واناشق واصيح <<يمكن سبحان الله يجي الامير ياخذني << بس المشكله ماعندي نعال فضيات بس مخالف هع
بس اللي قاهرن

توقعون سيندريلا كان عندهم غبرات وغبار وعجاج <<معليييييييييييش هالغبار مصيبه ..


ايييييه واجلس على حيلي في الصاله واطلب من البقاله
واخذ التلفون

وادق على البقاله .. ويرد هالهندي قلت صديق عندك ليز حار قال لا مافيه قلت طيب عندك دوريوتس قال لا مافيه قلت طيب عندك
تويكس قال لا مافيه <<الله يقلعه ذا اجل ماوراه الا الدجه بس يقرق على الفاضي

قلت صديق ليش انتا يحط بقاله .. هذا بقاله ولا محطه <<امر يصكه بوجهي صكت عليه اللي منب قايله

قلت اوب مشكله وش رايتس يالست ندق على بقالتن اخرى واشوى الحمدلله تم قبول الطلب..<

المهم دق ابوي (فديت قليبه)علي قال اشوف التلفون مشغول من تحاتسين هاه هاه ؟؟ قلت صديقي سعد يعني منهويبه منهو بالله عليكـ.. الله بس يرزقك طولة العمـــر,,



المهم

امر اروح افتح المسن
وانا قاعده اسولف مع صقيقتي في المسن

قلت لهااا صقيقتي الى متى احاتسيتس وتحاتسينن
مليت من وجهس ياشيخه تعتبت

المهم البنت قالت يعني وش تبين نسوي هاه

قلت ودي اعزمك ونلعب كيرم واشري بودره من المحطه ونفله

ولا نلعب اونو
ولا منوبولي
المهم تصدقون كل هاللي قلته موجود بس محد يلعب مثل اول ..




مدرررررري وراه
المهم قلت يختي نلعب مونوبولي قسمن ودي اصير تاجره لو تسذب >>
عاد والله بغيت استخف دمي على البقاله واعطيه فلوس مونوبولي ههههههههه
بس خفت يصير بنغالي ويسحبن ويسسرقن وويلي ههههههههههههه
>>>تذكرت القروش اللي بكتاب الرياضايات لاقضت السنه قعدنا نشققهن

ايييييييييه


اذكر مره

لعبنا حناواخواني كيرم وانواع التصقيع طراخ طرااخ هذا غير الكفووف

تعرفون حركات النذاله لابغى اخوي يضرب الكيرم الحبه وتبي تطيح في الزاويه حطيت يدي تحتها عشان ماتصير تطيح وياخذه <<<والله من الششر

ولا المونوبولي انووواااااااااااع السررررق .. الله ياا اننا نسرق سرق تعرفون اللي نلعب به لعب تذكرون فرصه وصندوق الجماعه <<<يووووه ذكريااااااات صدز تهبل العقل
وقصمن بالله وناااااسه .. آخ بس


واذا مره زقت معناااا وودناااا نستااانس وامي تغسل اسياب البيت نحط صابون ونتزحلق <<يقطع ابو اللعب

ولا مثلاااااا احلى لعبه
نجيب الدواشق(الاسفنج) ونحطه فوق الدرج ونركب فيه وواحد يسحبناااا <<انا بس ابي اعرف شلوون ماكان اللي تحتنا بس يروح فيهاااا <<<

ولا نرتز العصرعند الباب نحتري سيارة العسكريم تجي <<موب آيس كريم لا <<العسكريم ونااااسه نوقفه ونقعد نلحس تلحيس لين المغرب




ولا عاد ايام العييد >>>والله يااهي وناااسه ولا من زود الشقاء يذن الفجر وحنا مانمنا ونصير من الحرص متلبسين من الليل اذكر يوم انا صغيره عيد رمضا ن شتاء همن عاد امي تلبسن الهلاهوب والبلوزه من الليل والله يجيركم شنطه العيد به قروش مجمعات من قرن همن عااد نشري ونخربط اذكر ولد خالي يلعب علي تخيلوا يعطين ريلات مصروفات وياخذ الخمسات والعشرات يقول ازين عشان يصير قروشتس كثار هع هع>>>يااملحنا وه بس




آآآخ بس


بس بغيت افضفض واقرق لكم اللي ببالي لاني كل ماقرقت هزئون قلت ياوصويبيبه افتحيلتس مووضوعن لحالتس واحتسي على كيييفتيس..
اهئ اهئ>>>جتن الصيحه ايام لاتنسى
تسااااي
يالله اللي عنده ذكرايات منول يقوولهن الله يعدي عنه ويكثر خيره>>هع