أعطــني مثل حظ هذا الرجل وأرمني في البحر

[البكيراوي]

السلام عليكم ورحمة الله وبركاته

مساء / صباح النور والسرور

وحي الله المستانسين والمسفهلين واللي ضايقة صدروهم يوخروووون

لأن ضيقة الصدر مرض معدي وحنا بداية الـ weekend

ايييييييييييييييييييييييييييييييه

الحظ .. وما الحظ

نسمع كثير انه فلان محظوظ .. وعلان حظه زين

وفي المقابل كثير ناس تقول ما نؤمن بالحظ !!

ويقولون هناك عمل واجتهاد وتوفيق وليس حظ !


أتوقع الفئة الثانية لو سمعت القصة هذي

راح يبصمون بالعشرة .. انه الحظ موجود!


رجل على قد حاله .. حمال نقال .. راح يبي يشري له سيارة نقل
( pick up)

وراح للمعارض ويلف ويدور

لقى ذيك السيارة اللي جازت له بالحيييل

بكم السيارة بكم نهايته .. انا رجال شراي وعجل

قاله بـ 20 الف ريال انقده وخذ السيارة

قاله تم

قال طيب رح لراعي المعارض تحصله بالدكه اللي قبالك !

قال وينه .. قال اللي نطح عينك بالدكه فوق اللي معه رجاجيل

راح خوينا ونحر الرجال ودخل عليهم بالدكه ولاهم يتساومون

واحد يقول بـ 20

الثاني يزيد بـ 20 ونص

الثالث قال بـ 21


قام خوينا وقال عندي بـ 22

كلهم استغربوا من اللي يزايد وهو توه داخل

اسكت الكل حسوا انه هامووووور

وقاله راعي المعارض تم

وتميت البيعة

قالهم اصبروا بجيب ارواقي ودراهم واجي


وهو رايح لحقه الاخير ابو 21

قاله تبي اعطيك 500 ألف نصف مليون بالتمام وتطلع من البيعه

قال تم

كتب له الشيك وهو مستغرب !!

ويسأل نفسه

500 الف مقابل اني اترك شراء سيارة مستعلمة بـ 20 الف !!

موضوع غريب

حب الشرافة ما خلاه يرجع للبيت

رجع وشافهم وهم بالدكه .. ويناظر من بعيد

وش قصة هالسيارة

تدورن وش صار يا جماعة !!

.
.
.

صار الرجال اللي يتساومون ويقول 20

والثاني يرد 20 ونص

والثالث 21

كان يتساومون على بيع ارض كبيرة

ويقصدون 21 مليووووووون

والثالث اللي لحقه كان بيعطيه 500 الف

علشان يطلع من السومة !


آمنتوا انه في حظ ؟