بسم الله الرحمن الرحيم
هلاوغلا في الاعضاء الاعزاء,,,
أنا بدخل بالموضوع دغري وبدون مقدمات لأنه باط كبدي وقاهرني ,,,
الحين ليش الهيئة يسترون على البنات الي يطلعون مع شباب ..؟!
وليش الصحافة تطالب بالستر عليهن البنات مخطيئات وراكبهن والخطأ من رأسهم لين رجليهن
يعني الشرع على كيفهم..وين العقوبات وين الردع لهولاء وكيف تتعظ من تفكر ولو تفكير إنها تطلع مع شاب
يعني سوف تفكر في أقصى عقوبها لها وهي وقوعها بيد الهيئة وسين وجيم وتعهد وبعدين يوصلونها لبيتهم معززة مكرمة
وهنا دافع كبير للبنات للخروج ومن أمن العقوبة أساء الأدب...
البعض قد يقول قد يؤثر عدم الستر على مستقبلها ولكن هذا بحد ذاته ردع وقطع الطريق لغيرها لإنها سوف تفكر أنها بهذا العمل تهدم حياتها ومستقبلها وسمعتها مقابل نزوة يدفعها شيطانها وشهوتها ونفسها الأمآرة بالسوء وحينها تقل نسبة هذا الأمر ولا تزيد وتستفحل
إخواني أخواتي فكروا معي بنت تخرج من بيتها مع شاب أجنبي عنها وهي بذلك تخون أمها وابوها وأهلها وتهدم سمعتهم وتدوس على كرامتهم الارض وكرامه عائلتها بالكامل وقبل ذلك تخون دينها وعقديتها وسنة نبيها , بنت تخرج مع شاب وتكشف له ماحرم الله من جسمها وقد يمسها ويداعب مشاعرها وغريزتها وقد يكون بينهم قبلات وغيره من مقدمات الزنا وقد يكون هناك وقوع بالزنا هل تستحق هذه الستر أم العقوبة الرادعة أعتقد سترها سجنها
إخواني أخواتي لقد أصبح هذا الأمر منتشر وأجزم إنه أصبح ظاهرة طبعا أسبابه كثيرة وليس المجال لذكره هنا..
قد يكون عندنا في القصيم أقل من غيره من المناطق ولكنه موجود وانا شخصيا أطلعت على عده حالات وأعرف الكثير مما يخفى
ياليت الأباء والأمها يتنبهون لبناتهم قبل مايقع الفأس برأس وياليتهم مايسمحون لبناتهم الخروج على كيفهن للملاهي والاسواق بحجة انهن متواعدات مع صديقاتهن..؟
ياليت البنت ماتخرج من بيتها إلا مع اهلها فقط وهذا ليس تخوين وتشكيك لها ولكن حفاظا عليها وعلى مستقبلها
وياليت سالفة الستر تنشال من قاموس الجهات المسؤوله ومن أخطأ ينال جزاءه سواء بنت أو ولد ولا فرق في العقوبات المشرع واحد والناس سواسية وخآآآصة من يتكرر هذا العمل منها صدقوني أن الستر الذي يزعمونه ماهو إلا لنشر الفساد والرذيلة
ولابأس في الستر في بعض الحالات التى فيها غرر أو إجبار وتهديد أو دوافع يقدرها أصحاب الشأن,,
وفي الختام أسأل الله أن يستر على بنات المسلمين من هذه الأفعال ويحفظهن من ذئاب البشر ويزينهن بزينه الحياء والعفاف والشرف
وفق الله الجميع
العرض الشجري