سؤال للشباب فقط.............!!!!!!!

[الحرف الصامت]

بسم الله الرحمن الرحيم ...
بعد التحية والسلام .....
اولا : انا عارفة ان موضوعي مكانه استراحة المنتدى لكن
إذا كتبته هناك انقلب الموضوع هبال وضحك ....
(( رجاء من المشرفين الموضوع لا ينقل لحد ماالقى جواب ))

ثانيا: اطرح عليكم مشكلتي ...( وياليت وانت تقرأ تحس انك تقرأ مشكلة وحده من اخواتك ...)


كتبت لكم عشان بخليها تدخل المنتدى تشوف ردودكم ونصايحكم ....

........................................
سؤالي للشباب ...
س/اذا عرفت ان وحدة من قريباتك ( غير المحارم ..بنت خال .بنت عم.بنت خالتك ...) تحبك وتموت بالارض اللي تمشي عليها وانت ماعمرك شفتها ولا لمحت لها بشيء ..وانت عرفت انها تحبك مو بصدفة لا اختك جت وقالتلك فلانة تحبك ؟؟؟
تكفى وش نظرتك لها ؟؟؟ ابي رد مع السبب...



..( انا اختي تصغرني بكم سنة عمرها 19 ومتعلقة بولد خالتي بشكل مو طبيعي
يعني دايم احسها بعالم ثاني ..وحنا عايلتنا محافظة يعني مافيه اختلاط بين البنات والشباب ...كيف حبته والله ماادري تصدقون لدرجة مرة قالت لامي قولي لخالتي اذا فلان بيتزوج انا له ... اذا اخذ غيري بموت ... امي طالعتها وضحكت تحسبها تستهبل ..
وقالت لاخوي اللي بالكلية شخبار فلان سلملي عليه قال اخوي وش المناسبة ردها ساذج قالت يعجبني ...اخوي طير عيونه وضحك مراهقة متاخرة ...
والله العظيم مره جت خالتي عندنا وفارس زمانه هو اللي جايبها تصدقون اختي نطت هي اللي تفتح الباب والنعومة والمياعة خذ وخل ....عشان ينتبه
آخر قرار لها تقول بقول لاخته .. قوليله فلانة تحبك؟؟؟؟؟
تهاوشنا على هالموضوع طبعا تقول اللي براسي بسويه ...ماحد له شغل ...
والله اكتب لكم وانا ابكي ....خايفة عليها
( مع العلم ولد خالتي من النوع العربجي )
.... انا متأكدة راح تندم بعدين... لانها مو سلعة رخيصة تعرض نفسها
(( اهلي مو مقدرين المشكلة انا24 ساعة معها وكل سواليفها عنه.. وهي على هالحال لها سنتين ..حرام يروح عمرها بالاحلام ))

أخواني ..
كتبت لكم عشان بخليها تدخل المنتدى تشوف ردودكم ونصايحكم ....لعلها تقتنع...
الله يجزاه خير ويوفقه دنيا واخره اللي يساعدني ...
الحائرة .....