[align=center] السلام عليكم يالربع والربعات إزيكم عاملين إيه .... وحشتوني خالص <<<<<< والله من النصب والرفع ماتخدوش في بالكم دنا مروووق ومب عارف شنهو أسوي <<<<<<<<<< كلامك مثل زبيل الدلاله كلشن فيه المهم سأقوم بتحليل شخصيات في هذا المنتدى أو غيره من خلال ردودهم واهتماماتهم ويميل التحليل للنقد والظرافة وفيه جدية التقييم إلى حد ما .. الشخصية الأولى : صاحب الردود المقتضبة والغموض هذا تقرأ كلامه دوم معارض ومب عاجبه شي .. الله يعين أميمته عليه زعول وعلى باله كل الناس ضدة .... الشخصية الثانية : صاحب الردود القصيرة والكثيرة هذا يسمع بالتميز ويركض ورا عامل الأرقام ورقم المشاركات لا يجد في قراءة المشاركات فائدة ، ولا يتأثر ومطنش بخلق الله يمكن نص المنتدى وخاصة الآناثي تركوا المنتدى من جلافته ياما فلقهم بكلماته وأراءة الشاطحة .... الشخصية الثالثة : الناقد الدائم هذا يشبه الشخصية السابقة يمكن أبرز الفوارق بينهم إن هذا خشمه طويل علشان يشم المشاكل من كيلو .. ماودك تشوف خشته وهو يكتب ، ولا تشوف براطمه اللي تلعن كل تميز خاصة الأمراء والوزراء والمدراء وأصحاب المناصب . يدبر ويعبر ويبيزع وهي أعلى وظيفة مسكها ( تمرقي بعد الدهر = الظهر ) مايسلم منه شي إذا ناقشه أحد قال إنت ماتعرف أو اتهمه بالنفاق أو المجاملة !! لو ينسى ويمدح أحد كان مات من المغثه !! وعلى باله إنه مخلص وصادق وصريح !! و عند رووحة هو الفاهم والباقي خس وملفووف وكزبرة الشخصية الرابعة : راعي الميانة هذا ينام بالمنتدى ، وإذا دخل أحد هنا زمه ووداه للربع ، فيه ثقالة دم ماحصلتش وهو يعتقد إنهم غرقانين بأفضاله !! ينقصه الصبر وتخصصه الخطماات .. يبي كل الناس على تفكيررره !! أول ماتعرفه يسحرك وفي الأخير ترجم عليه قواطي بيبسي وعلب كولا ( ترى الحركة مالها دخل بالمقاطعة ) . الشخصية الخامسة : نصف الحمش هذا واحد إذا كلم الرجاجيل فهو أقشر ومايعترف ولا يشكر ولا يحشم حد وإذا كتبت بنت طلع معلقااات وأثنى بشكل تتوقع إن يوزره مسروووق .. أكيد من هواة المشاكل والملاقط ، إذا غاب عن المنتدى غاب الشخصية السادسة : ماله دخل مشاركاته تصنف بالتغريد خارج السرب فرغم روعتها وتميزها لكنه تفقد لعامل الوقت لأنها بعيدة عن القضايا الحاسمة ، أراءه لا تأخذ بعد لأنها متأرجحه بسبب حرصة ألا يغضب أحد هذا مب يحبونه بقدر مايحترمونه ويعاملونه رسمي . ولو يقعد طعش سنة ماحد عرفه زين ، ماندري وش يبي ، وإذا غاب مادرى عنه أحد .. كل سنة يكتب مقال حلو ينذكر بالخير ، ورغم إنه يتشقق من ردود الأعضاء إلا إنه مايستمر بالرد عليهم !! تتوقع إنه مايهتم بالمنتدى وهو ياكل ويشرب معاااه الشخصية السابعة : ماجستير نجاسه ولعانه !! واحد مايشارك إلا في المشاكل يمكن الاسم مخصص لهالشغلات بس إنها تظهر النجاسة والبحث عن نقاط الاختلاف ، إذا اعترفت له بخطئك علقك من رقبتك علشانه ، ومايفرح بالحوار المتفاهم ، وده يصعد حرارة النقاش حتى تطيح بحفره سوء الخلق إذا شفته رجمه بالحصى وقشور الموز عشان يحترمك !! الشخصية الثامنة : الفاهم هذا غريب .. مرره أقشر ومرره وش حليله ، يزعل الناس وينسى أي مشكله معاهم يختلف مع الفكرة لا مع الشخص ، عنده 3 كيلو لقافة على باله حلال مشاكل ووين عند روووحه ، يفكر كثيرا بالاشراف والقيادة .. الشخصية التاسعة : العروود يتواجدون في المنتدى متى مابغوا ، وماحد يدري متى يردون وشوا اهتمامهم ردودهم موضوعات بحد ذاتها ويأثرون في الأعضاء بعد قراءة أراءهم .. ويوحشونهم كثير ، إذا رد و على أحد منهم فهو بين الفرح والخوف يالله تهاديه وتراضيه ولا والله إن يحوس مريرك الموضوع للظرافة والتوجيه ، ولا يعني أن الأعضاء بهذا الشكل ، بل أن التصور وضع من خلال خبرتي في منتديات كثيرة لكننا لانخلو من سلبية ما .. والزعل ممنوووووع هل هناك عضو جرىء يعترف بشخصيته في المنتدى وإن لم تكن بذات السمات ؟ ويمكن لأي أحد اقتراح شخصيات أخرى .. [/align]
مولاي : أَنتَ سُؤلي وَبُغيَتي كَفى بِكَ لِلراجينَ سُؤلاً وَمَغنَما أَلَستَ الذي غَذيتَني وَهَدَيتَني وَلا زِلتَ مَنّاناً مَنّاناً عَلَي وَمُنعِما عَسى مَن لَهُ الإِحسانُ يَغفِرُ زَلتي وَيَستُرُ أَوزاري وَما قَد تَقَدما __( الإمام الشافعي ) _______________________ قلي بما تفكر : أقلك من أنت ؟
المشاركات المنشورة لاتمثل رأي إدارة المنتدى ولايتحمل المنتدى أي مسؤلية حيالها
كلمات البحث : منتدى بريدة | بريده | بريدة | موقع بريدة
العرض الشجري