عامود الزواج ماوخر عن طريقي

[دلع انثى]

السلام عليكم


مساكم الله بالخير


ولا صبحكم بالخير


بروح زواج بس ممنوع اصطحاب الاطفال والجولات ام كميرات


والعجز نتمنى لهم نوما هانئا واحلام سعيده خلاص ماقصروا


السالفه سلمكم الله


رحت زواج انا واهلي

من زمان

كح كح

الدعوه عامه

ما تشوف الاذاك العرس كله بزارين وجذعات

ياسلام والطقاقات مصلحين نص دائره


والجمر حواليهم ياعزتيلي لطاح بزر بينشوي على طول

ولا حريمه متربربرة تقول نعيميه عليها رقبة حاشي

ايه الاول حريم زمان اذا جات تلعب بالملعب

تحط لثمه وتغمض وترقص وخرو عن دربها


لثمه قال علشان مايشفونها تتبسم يقلون ماتستحي


بس ليش تغمض وهي ترقص صعبه حاولت جاني الدور


بغيت انا اللي انشوي

كان تسجبني امي من كشتي وتقول اذا رقصتي لاتغمضين

طيب طيب

الله وجيك مركب حمر والرفايف سود خويكم لاتخلونه


كان اقمز ذيك القمزه والعب وخروا عن دربي

لا يفوتكم عيوني تناظر فوق

والطقاقه عاشت ام احمر

وانا رايحه ريوس وقدام


باقي اخذ جلنط

واخمس

يوه تعبت انقطع نفسي

وتسحبني امي من كشتي ثاني مره

قالت مو قلت لك لا ترقصين

قلت بس ماغمضت

اجل وش دورين فوق

مار صقر ولا حمامة

كان يضيق صدري قلت ماعاد ابي ارقص

تناديني جاء شوطنا

والله قويه اشر لها من بعيد لا لا

قال زعلانه وتتغلى

يالله خلني بس اروح العب شي ثاني

ياسلام واشوف ذيك البنيات الجذيعات

وانا هرفية صغنونه

انا اول مره اشوف درج

ينزلون بسرعه ويرقون

وهلما على هذه الحاله

كان اقنص اللعبه

واصير مثلهم طالعه


واجيك بسرعه مدحدره

واخذ لفه والبنات ايوه ياسلام

أقوي انا سمعت المدح وازيد العيار

ماحسيت الاوالعالم حوالي

اللي يكب على مويه

ولا يسمي علي

وش السالفه ياجماعه

امي تمسح دموعها

كان مقابل الدرج عامود

اثاريني مع السرعه فراملي انقطعت

واصتدم بذاك العمود

علموني السالفه

صرت اتحسس جبهتي وخشمي

صاروا شي مطبات ولا اللي في شارع الخياطين

بعدها حرمت اروح الزوجات

ها عاد لاتودون بنياتكم الصغار

البيت احسن لهم

ولا كشفوا على الصاله قبل ماترحون

بالمبارك

كبرت الخط علشان عيونكم ماتوجعكم

سووا مثلي