ܔܓ܏ܛܜ تجَمُــع حُروف ܔܓ܏ܛܜ‏

[دينا]

[align=center]

يسعد لي مسائكم/صباحكم
امممممم

اليوم باخذكم برحلة لأحدى الجزر وعلى حسابي أجحدوه
بس الرحلة ماتنفع مع الأطفال يعني خلو بزارينكم عند جدتهم ولاوحدتن من خالتهم بس حطوا معهم شغالة عشان مايحوسون أهلهم <--اماه انا الي عازمتكم
طيب نبداء بالطيران مافيه إالا ع الخطوط الإماراتية أوالقطرية أوالسيرلانكية بس بنطلع من
الرياض ع دبي 3 ساعات ونكون بـ مالي ,,هذي عاصمتهم يعني مثل الرياض عندنا <--وش تحسين بوه خخ

طيب خلوني أعرفكم ع المالديف ..

هذي خريطتهــا

<--ترى هي الصغيره موب ذي كله
الموقع:

هي جزء من قارة آسيا وتقع في المحيط الهندي ساعة طيران من سيريلانكا حوالي 675 عاصمتها مالي
تتكون من جزر صغيره ومن صغرها حتى مطارهم نص المدرج على المويه
الديانة:
جميع السكان مسلمين والمالديف بلد مسلم 100%
العملة:
تعتبر(الروفية أوالروفعية) كل دولار أمريكي يساوي بالتحديد 12.85 روفية
نجي للتنقل بين الجرز وبعضها تكون كل فندق أو منتجع بجزيرة
وسيله النقل فيها يا أما زوارق سريعة تستغرق الرحلة 15 إلى 35 دقيقه أو الطائرة المائية ياهي جايزتن لي بعد

هذي صورتها

بالأول ع البحر وبعدها ترتفع تطير بكم للسماء وأنتم فوق تشوفون الجزر من تحتكم تجربتها مره ممتعه
هذي صوره من فوق يعني بتشوفونه وأنتم راكبين بالطائرة المائية

نجي لأنواع الإقامة:
يوجد لدى معظم الفنادق والمنتجعات نوعين من السكن:
غرف كبيرة واسعة مطلة على البحر,غرف صغيرة (شاليهات) داخل البحر
أما الوقت المناسب للسفر:
تعتبر الفترة بين ديسمبر وأبريل أفضل لأعتدال الجو وبعد شسمه طول النهار
والسائح العربي من الأفضل له تجنب فترة الأعياد في نهاية السنة الميلادية لأن الأسعار في المالديف عند أعلى معدلاتها.
مدة (فترة) الزيارة:
الفترة بين 5 إلى 8 أيام بالكثير فترة كافية للأستمتاع بالجزيرة وطبعاً الأفضل تكون باأول أسبوع للعرسان أو الي مبطين ومالين من الحياة وبيجددون
لأنها جزيرة هاديه مافيها شوبنق ولافيها مدن ترفيهية كبيره وسائل الترفية عندهم كلها بحرية من غوص وصيد ووو
ومره حلوه بين الهدوء وبعيد عن العرب ومكان تقدر تاخذ راحتك فيه أجوائها مره روعه

وفيه عندهم شغلات رخيصة ومناسبة يعني مثلاً عن طريق الفندق تقدر تطلب منهم يرتبون الغرفة بكم دولار بترتيب خاص بالورد وشغلاته

او مثلاً عشاء ع البحر سواء يكون جاهز أو يجهزون لك شغلات الشوي كاملة وأنت تستمتع بين جو وبحر وأكل يفتح النفس

هذي صورة طاولة العشاء بس ماظهر فيها مكان الشوي

الحلو فيها انو الجوال مايشتغل وبعد ماتحتاج فيزا وتقدر تستاجر جزيرة كاملة لك بروحك أنت وزوجتك
أو مجموعه مثلاً ثلاثه يتدافعون فيها وكل واحد له شاطىء خاص فيه أرخص وتقدرون تاخذون راحتكم أكثر..

راح نحجز على بمنتجع الفور سيزن

باخذكم بجولة داخليه فيه طبعاً قلت لكم من قبل انه نوعين روم مطل على البحر وروم داخل البحر وفيه الفلل وغيرها بس يااما مطل او داخل

الأسعار ماعندي خلفيه عنها بالظبط بس عمي يقول انه اخذ روم الي فيه بركة سباحة خاصة1800 ريال لليلة طبعاً غالية عشان بركة السباحة وجربها يوم واحد..
وطبيعي أرتفاع الأسعار لأنه منتجع عالمي واذا بتروح هناك ظروري تاخذ بمنتجع فخم ويستاهل لأن اغلب وقتك بيكون فيه ورحلة ماراح تتكرر

ياله بسم الله نبداء الصور

هذا الروم الي مع المسبح مطل ع البحر من برا

بدخل جوا هذي الغرفة

هذي ع الجلسة والمطل

وانتم جالسين يقابلكم البحر والمسبح

نجي الحين لشغلات القافه هذولا ماشاء الله عليهم حتى المغاسل مصورينة

وهذا بتركوه لكم أكشتفوا وشو لأني بالأول عجزت أستوعب وشو ترى يبي تركيز تخيلوا انكم تحلون مسألة بالـ ريض <-- يقاله تشرح
دوكم

من برا للشاليه

نرجع للغرف الي تكون جوا البحـر بس شسمه ماأثقه بصراحة أخاف اذا صحيت من النوم ولاي بشواطىء سيريلانكا
هذا مدخلها أو نقول ذي صالتهم الموزع

وذي من فوق

وهالصوره لغرفه بوسط البحر <--ودكم يفطن تسونامي ويجي نوبتن ثانيه وانتم نايمين بهالغرفه توقعون وش الي يبي يردكم

روعه روعه هالمنتجع ولاحتى الجزر وفيه له صور ثانيه أحلى بعد بس شسمه مايصلحن طيب ياله اخذتكم برحلة وجولة متعبه على بال ماجمعت لكم هالموضوع
يعني ماهنا مكافأه سعي لو رفع معنويات

الخطوط الجوية المدونية تعلن هبوط رحلتها في مطارمنتدى بريده قادمة من جُزر المالديف بعد ماأخذتكم دينا بجولة سياحية لأروع الجزر الي بذيك الجهه

وقت ممتع في ربوع بلادي <-- محشش ماسكن المايك
ياله القاكم برحلة ثانيه إذا أعجبتكم ذي وأي أستفسار تراني حاضره
شسمه مارحت لها بس من قوة انه جايزتن لي أدل بقالاتهم

[/align]