.. بســــاط الريـــح .. ılılı

[رزه مرتزه]

,


السلام عليكم ورحمة الله وبركاته


مساء الخيرات لأحلى بنات ,


ياشين الواحد يتوهق بمقدمة لمواضيع المطبخ ,

المهم,,
جت في بالي أنزل طريقة حلى جنووووووووووون

له عدة مسميات فيه ناس يسمونه بساط الريح , وفيه ناس يسمونه السدو ,

لكن وإن تعددت المسميات يبقى المذاق واحد >> خوش دعاية







أول شيء المقادير :

- بسكوت شاهي " وفي رواية الشيفات بسكويت "
- بسكوت أوريو " تشيلين القشطة منه "
- جوز هند
- بسكوت جوزاء " واللي ما تعرف بسكوت جوزاء هو نفس بسكوت الشاهي العادي بس بالشوكلاته , يكون لونه بني "
- جلكسي مبشور أو تفتتين فليك بداله , كل الحالتين منيحة


بالخلاط :

تخلطين 12 اصبع كت كات + 2 قشطة + ظرف كريمة كراميل – الكريمة بس بدون الكراميل بتاعها "




الدعوة كلها بسكوتات ,

خالتي ذاك اليوم لما قلت لها طريقته تقول إذا شريت كل هالبسكوتات أبتقهوى بهن على طول بلا حلى بلا هم



نجي للطريقة :


تدقين البسكوتات اللي بالمجموعة رقم واحد كل واحد بلحاله ,
تدقينهن مو تطحنينهن , بس يكون دق ناعم ..

وتخلطين اللي بالخلاط

بعدين هاتي صينية حوافها قصيرة وصفي فيها طبقة من بسكوت جوزاء ,

ثمن حطي فوقها نصف الخلطة اللي بالخلاط وزعيها بالكامل ,,

بعدين صفي طبقة ثانية من نفس البسكوت ,

وحطي باقي الخلطة اللي بالخلاط عليها ووزعيها بشكل كامل مثل المرة الأولى

الحين جاء الشغل الفنّي

هاتي البساكيت اللي دقيتيها وابدي مشيها على الصينية :
جوز هند , أوريو , جلكسي أو فليك ,بسكوت الشاهي , بسكوت جوزاء وهكذا دواليك لحد ماتخلص الصينية أو بالترتيب اللي بدّك إياه

إما بشكل مايل مثل ما أنا مسوية , أو بشكل طولي أو عرضي ,
أو بشكل متعرج أو زي ما تبغين ,

وقدميه بارد كأي حلى

بصراحة طعمه جنان ومع القهوة مرررة خطير


للمعلومية تقدرين تصفين بسكوت الشاهي بدل بسكوت جوزاء كطبقات مع الخلطة , يعني حسب الرغبة ,


هذي صورة تذكارية للمدعو بساط الريح :



وصحتين وعافية على قلوبكم