شوفوا وش صار اليوم بآخر محاضره بالكلية, الدكتوره شوي وتصيح مننا حنا البنات ,
الصراحه محاضرتها ممله تجيب النوم, ووقت محاضرتها من ثلاث الى أربع وآخر أسبوع بعد,
يعني الي نايم الليل كله يمديه يدوخ وينام,
المهم الي صار اليوم ان الدكتوره ادخلت وأخذت الحضور..
وبعد ماحضرتنا بثانية بنت شالت قشها وطلعت لبيتهم على طول ياغافلين لكم الله,
والثانية افتحت اللابتوب ويا الله محادثات بالماسنجر وتضحك مع نفسها فجأة,
والثالثة قاعده تتصفح الانترنت وتلعب لعبة ترافيان متحمسه بقوه,
وثنتين ورى يسولفون وين راحوا في الخميس والجمعه,
ووحده غصب تفتح عينها مره مفتحه عين ومره مغمضه عين يعني شوي وتنام,
ووحده حاطه السماعات ومعليتها على آخر شي شوي وتنفجر أذانها والعيون طايره وماتدري وين ربي حاطها,
وثنتين على جنب يحسبونها محاضرة فنية قاعدين يرسمون شكل الدكتوره وهي تشرح ويضحكون مع نفسهم وعاد الرسم الله يرحم الحال ولا أولى ابتدائي,
وثلاث قاعدين بآخر القاعه جايبين قهوه ووحده منهم تقهويهم من زود الفضاوه,
عاد شوفوا الدكتوره تشرح لمن المسكينه وكل شوي اطلع عيونها يعني اني معصبه,
وباالأخير بنص المحاضرة اسكتت وقالت خلاص اطلعوا خلصت المحاضره والعبره خانقتها,
بس شكل المحاضره ما قضت أصلا,
وبالأخير بأبرد من الثلج يوم ضفت الدكتوره أغراضها واطلعت قالوا البنات كأنها معصبة << بدري..
شوفوا وش صار اليوم لدكتورتنا شوي وتصيح..!!
العرض الشجري