قصيدة (يا هاجسي)

[الموت لعيونه]

(( يا هاجسي ))

يا هاجسي وش صار في حال دنياك
أصبحت وحدك بين شوق الأماني

حتى الخوي اللي تعده كيمناك
راح وتركك اليوم وحدك تعاني

راح الفرح والهم يا هاجسي جاك
وأنا الشقا بالحيل والله كساني

حتى الذي بالأمس وده بممشاك
اليوم ما وده بشوفك ثواني

دنيا غريبة ما بها شيء يخفاك
دنيا غريبة ما بها من أماني

عند المصالح كل من جاك ينصاك
ووقت الشدائد ليت أحدٍ يباني

حتى وليفك ناوي اليوم فرقاك
محدٍ بقى من النّاس كلٍ جفاني

ما غير أنا أسهر واقضي الوقت وياك
وأكتب القوافي حايرة في كياني

يا هاجسي وش صار في حال دنياك
أصبحت وحدك بين شوق الأماني


قصيدة للشاعر: أحمد الكعبي
نشرت بتاريخ: 16/2/2006