مظـــــــــاهر وسوالــــــــــــــف العيد!!&$$$$$

[برق الوسم]

[align=center]سوالف العشر الأواخر والعيد/


الأم والبنات يالله ودنا للسوق نبي نشتري المقاضي
الولد وش تبون بالسوق اليوم صلاة القيام/
إيه مايخالف بس اليوم/
الولد لا الناس تصلي مافيه سوق/

الأم بس ساعتين ونخلص ونرجع نصلي بالبيت نبي مقاضي للعيد/
الولد زين زين/


طبعا إنزلوا بالسوق الساعه عشر وصارت ثلاث وماتصلوا/
الولد وينكم ؟؟

البنت الأولى أنا بشركة الحسون

والأم أنا عند الصانع

الأخت الصغيره أنا عند الاحذيه أدور لون تركوازي أبي أطقم مع الشباصه /

الولد وش يجمعهم ذولا أقول ألقاكم عند العمرو باشتري صواريخ/يالله تعالوا هناك لا أطرطع فيكم/

أذن الفجر وهن يحوسن بالسوق والولد منقهر وأول ماجت الأم وخواته من عند الصانع إلا ويشب عليهم هالكصاروخ

ويدخل بعباة أمه وتحرق ما طفوها إلا الدفاع المدني اللي مرابطين بالسوق/

الام رابصه بالماء ومتغطية بالطربال حق ابو ريالين/
وركبت وهي زعلانه على أولده
أحرقت بعباتي يامال الكسر/
والولد واصله معه لاعمركم تروحون للسوق/

الام/مالت عليك نتصل بآدم السوداني يوصلنا أبرك منك/

طيب ياوليدي مر العليان ولا عليك أمر نبي حلاو /
وتشتري أمهم سبع أكياس حلاو مشكل وتحلته ورى على البنات
والبنات يازين هالحلاو وخذ قرق وسوالف /

وصلوا البيت أمهم تدور الحلاو ماشافت الا أكياس فاضية/
وكل العشر الأواخر وهم كذا بالسوق من صلاة التراويح الى وقت السحور/



يـــــــــــــــــــــوم العيــــــــــــــــــــــــــــــد/

العائلة الكريمه آخذين إستراحة بالعليا /
وكل إشوي جايه عائلة/

والبزارين طرطعان وبزوكات والشايب مبسوط ويتفرج على الطراطيع و محترق شماغه من ورى ولا دري/

وماتشوف السما الا كأنه مضادات طائرات من الصواريخ والنوافير/


جاء ولدهم الكبير /وش تسون ترى اللي يطرطع باأشب فيه/

الأبو /خلهم يطرطعون
ولدهم الكبير/يايبه ماتشوف السما ولعت/
أبوهم/إيه ياوليدي السما ياخذ رصاص واجد/



نروح للحريم/

أول مايدخلن ويحطن العبايات إلا وكأنك بحديقة بلابل من الملابس والمكاييج/

هاذي لونه أحمر
وهاذي أصفر
وهاذيك فوشي
واللي ماجت مالقت حزام نفس لون التيور
واللي أشترت كل شئ وما بقي لها إلا شنطه مالقت نفس درجة اللون/
واللي أنكسر كعبها وعيت تروح إلا تطقم/
واللي ضاعت تنورته..

جت أختهم الكبيره وجايبه معه كراث لأن زوجها رايح مع الشله للدمام ولقتها فرصه/

والحريم ليش جايبه كراث بالعيد أشوف أشوي اشوي ويمين ويسار الا الكراث مخلص/

وقبل العشاء ماتدري إلا أبوهم شايل ولده الكبير وموديه للمستشفى

الأخ معه حبة بازوكه وشابها في إيده على باله حبة ثوم ومحترق.

والأم يالله نبي نمشي البزارين أحرقونا بالطراطيع.

ووصلوا البيت وماتشوف أشكالهم إلا كنهم طالعين من منجم فحم


سؤال كم المبلغ الذي تم هدره واحراقه من هذه الألعاب في هذا العيد؟؟؟

تحياتي

بـــــــــرق الوســـــــــــــم[/align]