هنا النساء يتفوقن على الرجال

[لميـس*]

اقتباس:  المشاركة الأصلية كتبت بواسطة فور يو     و بناتنا مشاء الله و تبارك , الوحده منهن من زود السنع والحرص على بيتها ماتبي خدامه وتقول لزوجها وشوله الخدامه ماغير مصاريف ع الفاضي , انا اقوم بعمل البيت وش وراي , النت اخليه وقت الفضوه ومو 24 ساعه مثل بعض الناس ... و بعضهن من زود السنع ما تخلي اخوها يكوي ثوبه وشماغه عند المغسله هي فاضيه تكوي له وتغسل كل ثيابه وش عندها لا شغل ولا مشغله ... و البنات تراهن مو فاضيات للحكي الفاضي و الدردشه بالمسنجر والجوال مع فلانه وعلانه وسب هذي و ذيك , هن ماهنا احسن منهن , ويمكن يكونن احسن بنات بالعالم ههههههههه و ترى بناتنا ما يحبن الفشخره والمظاهر الكذابه والبذخ والتنيذخ عند صديقاتهن و زميلاتهن , متواضعات حنونات , ما يحبن ينظفن جيوب ابوانهن و ازواجهن يا حليلهن بس , و تراهن بعد ما يحبن النوم الكثير و التنبله من الليل الين الظهر , يقومن من فجر الله يشوفن اشغال البيت و اهل البيت , يا حليلهن بس ...! وتراهن بعد ما يشوفن التلفزيون و المسلسات إلا ما ندر وحسب الفراغ الضيق ولا يسمن انفسهن على ممثلات سافلات تافهات ...! و حتى النت ما يدخلن الا دقايق بس للتصفح و يطلعن , ما عندهن وقت ...! و إللي تخش وترد او تكتب موضوع بدقايق تنسف الرد او الموضوع وبتلقائيه بلا رتوش و ما تقعد ساعه تكتب رد او موضوع والسبه تلوين ( بالرد او الموضوع عشرة الوان تقل في مكتبه ) و صور تعبيريه و تكبير وتصغير وووو , يا حليلهن بس ...! و تراهن بعد ما يضايقن ابوانهن و ازواجهن بالسفر ولا يقولن وش حيث فلانه تسافر وحنا لا , ولا يقولن وش ناقصنا , و بالعكس يقدرن الظروف الماديه للي ما يقدر يسافر ولا يضغطن عليه يتسلف المسيكين , يا حليلهن بس ... اعذب تحيه للكل .

وش يقول هذا !!!!!!


من وين نط هذا ؟؟