صباح الخير
دفا واشعار
صباح غير
وقلوب صغار
تحب تشتاق
وتعذب روحها بفراق
تقضي ايامها مشوار
صباح يفز بأعماقي
يبي يصرخ بأشواقي
وعيون تتابع اجناني
وتتعب من غدر وامرار
حببي لا تعاندني
تبكيني و تألمني
تعال بحبك واحظني
بقايا وقتنا اضرار
تعال بلهفة العاشق
تعال بخطوة المشتاق
ترا فكري في بعد طار
تعال واكتبني بحساسك
تعال وقراني بنفاسك
واضرب في شعوري طار
جروحي تشتكي ظلمك
وجفافي ينتظر مزنك
وحب في خفوقي فار
تبعدني وتدنيني
تعذبني وتواسيني
واقاسي جمرها بإصرار
يا قلبي العاشق المسكين
ياهمي يانظر عينين
يا روح ن ذابت بقلبين
ياحزن زماني صار
ضويت من الألم شمعه
وخاف من الاسا سمعه
وعيون تخفي الدمعه
ذرفها هاجسي اسرار
تعدينا على المألوف
ولهفة خاطري به خوف
وهمه في ظهرنا سيوف
جروحه في حنين جار
تعديت الوله بحدود
وصار القلب لك مشدود
ولكن الوصل مسدود
صارت بيننا اسوار
حبيبي شمعة الجلاس
ونبض الحب والإحساس
تربعت فوق عرش الناس
وصرت بخافي مختار
شروق الصبح يسرقني
وبعيونك بس يقيدني
وانا ما همني حزني
مادام القرب لك جنه
وبعدك شب فيني نار
دخيل المبسم المجمول
دخيل الرمش المكحول
دخيل القد المفتول
دخيل الشعر والشعار
ناديت بكل ما فيني
على الله بس تراعيني
وتضم يديك بيديني
وكنه همنا مادار
العرض الشجري