زعلان راضي .. ياخي وش دخلك فيني

[الفتـ الذهبي ـى]

زعلان راضي .. ياخي وش دخلك فيني=بزعل وبرضى على كيفي ومشهاتي

ماجيتلك قلتلك يافلان راضيني=ياخي أبزعل انا راضي بزعلاتي

توك تحس بغرامي توك .. تجيني؟=توك تعرف الوفا وتعرف معاناتي!!

توك تجيني تقول ارجوك اعفيني=وينك من اول قبل لاتثّور اهاتي!!

صديت عني وحسبك منت ناسيني؟=وأثرك لعبت بخفوقي ورحت سكّاتي

الله حسيبك مدامك كنت باغيني=امشي بدربي ولا ادري وش نهاياتي

لو ادري انه غرامك كان يعميني؟=ماكنت اعشقك واحطك في خيالاتي

ما عاد يمدي تأسف (طحت من عيني)=شوف نفسك اشلون تنزل ضمن عبراتي

لاتقول اسكت ولا تحاول تلهيني =واشلون ابسكت وانا ينطقني إسكاتي

المغني الله وانا ربي بيغنيني=عن حبك اللي خدعني في بداياتي

واليوم منت حبيبي ولا انت تعنيني=أصلا محيتك بديني من ملفاتي

هذه النهايه حبيبي لاتحاكيني=كل(ن)بدربه وانا بطوي سجلاتي



[align=left]منقول[/align]