قصيده أعجبتني ... أتمنى تعجبكم
يازين يوم اني أنا وانتـي صغـااار
توما لبست شماغ وانتـي عبايـه
بالطول ماناصل ولا خمسة اشبـااار
دايـم نقيـس اطوالنـا بالمرايـه
مابيننـا شيـن نخبيـه واسـرااار
ماغير لعب اطفـال كـل الحكايـه
ماهمنا موجـز ولا نشـرة اخبـااار
التسليه صـارت وسيلـه وغايـه
وان جا فلم كرتون للقطو والفـااار
نجلـس نتابـع قصتـه للنهـايـه
بالمدرسه نزعل على شان الاصفااار
انتي سبب لعبك وانا مـن غبايـه
ياما تهاوشنا على كيـس فيشـااار
انحاش به وافرح بطـردك ورايـه
وان قلتي ياراشد ياويلك من النااار
اخاف واستسلـم وابيـن خطايـه
والى ضربتيني تقـل بيننـا ثـااار
وان قلت كافي قلتي ماهـو كفايـه
والى خلصتي ضرب بيمين ويسااار
اخذتـي الفيشـار واللـي معايـه
والى زعلت وقلت ابا اروح للـدااار
صحتي وقلتي اسفـه يـا غلايـه
واصدقك وافرح بعد ذيك الاعـذااار
واجيك لا حاقد والا احمل وشايـه
بس لو اشوفك مع بشرغيري اغااار
لو كان اخوي أو من أعز اصدقايه
واركض لخوك اقول شفها مع اكباراا
عشان يفرض لي عليك الوصايـه
هـذي طفولتنـا بـراءه وتذكـااار
دايم نحـن اليـا ذكرنـا البدايـه
واليوم ابا اكتبها سواليف واشعـااار
وافكـر انتجهـا بفلـم وروايــه 000
منقووووووووووول
العرض الشجري