السلام عليكم ورحمه الله وبركاته ..
هذي اول قصيده بهالقسم انزلها لكم ...
سو الي براسك ولاتذكر أسـباب
..................لاصرت بايعني توكل على الله
مابيني وبينك مشاريه وعـتـاب
.................شف دربك الي جيت منه تدلـه
ماراح تغلبني لو الحل غـلاب
.................من حضرتك عشان قلبي تذلـه
في ذمتي لجعلك عبره للاحـباب
.................لين الخلي يتوب عن جرح خـله
زلاتك الي مانفع فيها احـسـاب
.................لاجيت اعددهن ثمانين زلــه
احرجتني بين القرايب والاحـباب
..................كن الجفا سيف بوجهي تسلـه
ماكنت اقصر فيك من كثر الاعـجـاب
..................يومك تساوي عندي الكون كلـه
كنت القريب وكلهم كانوا اغـراب
..................حتى القمر لاغاب شفتك محلـه
خلاص لاترجع ترا خاطري طـاب
..................ابي طرا اللي كنت عايش بظلـه
رح واعتبرني واحد اذنب وتـاب
...................ماني بثوب تلبسه ثم تملـه
مايجتمع بالحب صادق وكـذاب
..................رزقي على الله وانت رزقك على الله
ان شاء الله تنال على اعجابكم ...
ولاتحرموني من ردوكم ..
دمتم .
.../\/\/ لا صــرت بايعــني توكــل على اللــه /\/\/...
العرض الشجري