موضوعي اليوم مخلوط بين الماضي والحاضر برجعكم ورى شوي (ريوس)
ياويل احد يدخل ويقرى ولا يرد ترى بغووووووولوه وازعل عليه قوووه<<تراه حاطه كاميرات مراقبه هههععع
وهو سؤالي للشبان :
1-متى بديت تلبس شماغ؟
2-متى حصلت على سيارة وايش كان أسمها ونوعها ومتى أول مره سقتها ووايش كان أحساسك؟؟
3-متى شريت جوال وأول مادقيت على من وأيش كان أحساسك؟؟
4-متى اول مره بديت تروح تسهر مع الشباب بأستراحه وحسيت نفسك رجل عن حق وحقيق؟
5- متى بديت تودي اهلك؟؟
6- وسجلت بحلقة قران اولا لأ ومتى؟؟
7-اذاعه مدرسيه؟؟
"""""""""""""""""""""""""""""""""""""""""""""""""" """""""""""""""""""""""""""
اما سؤالي للصبايا الحلوات بعد عمري هم وه بس؟؟
1-متى بديتي تلبسين عبايه ؟؟
2-متى بديتي تغطين عن عيال عمك وخالك ؟؟
3 متى بديتي تغطين عن الشارع؟؟
4-متى بديتي تشتغلين مع امتس بالمطبخ؟؟
5_وأيش اول طبخه سويتيها بحياتك سواء كان حلى او أكله؟؟
6-متى بديتي تجلسين مع البنات الكبار؟؟
7_ومتى أشتريت أول جوال لك؟؟
8- سجلتي بحلقة قران ولا لأ او مصلى؟؟
9-اذاعه مدرسيه؟؟
ــــــــــــــــــــــــــــــــــــ ــــــــــــــــــــــــــــــــــــــ ــــــــــــــــــــــــــ
انا عن نفسي راح اجاوب عن اسئله الصبايا اللي انا منهم !!
1-متى بديتي تلبسين عبايه ؟؟
وانا برابع أبتدائي وكانت عباية كتف وشارب أسود على شكل مثلث حق الشغالات بوه ربثه مع ورى واذكر اعميت الهندي يوم جيت البسه عنده
وبسادس لبسة العبايه الصدززيه اللي تلمع وهي عباية الليزر طفه وعباية البيجر ههععع اذكر كلما طلع اختراع سموه على أسمه ههععع وكنت اشتريها اكثر شي مع جدتي وامي من محل الدرع الي بالسوق
والسبب بلبسي للعباة وانا صوغننه دايم معرضه للخطف والخطيف لكن ربك ستر والثاني الحاره كانوا مطاوعه وحنا الوحيدين عندنا دش قصدي ستالايت وقالوا انتم فسقانين غطوا بنتكم طولها طول النخله كبرت خلاص ولاتلعب بالشارع هي وبنطلونه مع عيالنافتنه بنتك والعياذ بالله<<حمقه عليهم للحين
2-متى بديتي تغطين عن عيال عمك وخالك ؟؟
من سادس وولد خالي بس لأني أكررررررووووهو بقوه ام الباقي يعني بثالث ثانوي واحتمال للحين ماتغطيتي عنهم هههعع
والمشكله اكثر عيال عماتي عماني من الرضاع وكل واحدن منهم يقول انا عمتس من الرضاع وانا مع الخيل ياشقرا انواع التمطيخ وللحين شاكتن بواحد قبل شهر مسلمه عليه وللحين مدري يقول راضعن معهم هههععع
3 متى بديتي تغطين عن الشارع؟؟
الشارع يوم أيه ويوم لأ وهو بسادس وصدزز صدز بديت بأول ثانوي لأنه التسذب حرام
شسوي اهلي منعون من البقاله ولاجانا احد احط عباتي ونعالي بالبيت واهج انا وأي وحده من قرابتناواحس بوناسه وحريه ولا بباريس هههععع واحس حتى شوارع بريده غير ولامسكن امام المسجد أقول مب انا فلانه انا اخته الصغيره ويقول ايه وانا ابوتس تغطي مرتن ثانيه <<وراها وراها
4-متى بديتي تشتغلين مع امتس بالمطبخ؟؟
من 2 أبتدائي لأني كنت الوحيده لاهلي بعد خمس سنين جابت امي بنات بعدي وللحين الحمدلله معتمده علي وخواتي خكارياللأسف
5_وأيش اول طبخه سويتيها بحياتك سواء كان حلى او أكله؟؟
الطبخه رز مالح ومسقع محترق لكن شوي شوي تعلمت بعد ماحرقت بيت اهلي بسبت الزيت شوي وأطوله على الاخر
والحلى كان (غريبه )اما الكيك للحين ماعرف اسويه ههههععع
6-متى بديتي تجلسين مع البنات الكبار؟؟
هذا سؤال قاهرني مع اني انا اللي حاطته ياما وياما انطردت من بنات عمي وبنات خوالي والسبب انا بزر وراه لأنهن يلبسن تنانير وانا لأ هههعع
وامي الله يهديها ماتحب تلبسن الا شيال جنز وطعمي وقرنين مصريه مقعده ههععع ولا قعدون معهم للحين هههععع
7_ومتى أشتريت أول جوال لك؟؟
بأول جامعه ايقالي معتمده على نفسي واول رقم سجلته رقم امي وابوي وعمي عزوز بعد عمري صديق النجاسه منذ الطفوله
وكانت فاتورتي 500 خلال شهر طافه ياقلبي وصديقاتي يدقون دقه ويسكرونه
8- سجلتي بحلقة قران او لا او مصلى ؟؟
لأ ماعمري سجلت أستغفر الله يارب لأني ماعرف للتجويد واخاف منه
9-أذاعه مدرسيه ؟؟
كنت احبها واموت فيها وطلعت بالحسره مرتين لأنه يبيلها واسطه
المره الأولى :
ناسية كوتي بالمدرسه وأشروا عليه معلق عن المقصف وطلعت اخذوه
المره الثانيه وهي الأخيره:
طلعت اقرى قران وحرمت المدرسه تطلعن ثانيه لأني قريت خطا الأيه ((الفحشاء والمنكر)) وقلت الفشحاء <<<هرجها دايم متخرم استغر الله يارب:::::::::::::::::::::::::::::::::::::::::::::: :::::::::::::::
وأخيرا
<<<اكتشفت انها خرطه واكبر قرقه بالعالم
اليوم انا مروقه للأخر وغايبه لي يومين عن الجامعه وقلت خل اوسع صدري وصدوركم ونضحك سوى
وابيكم تشاركوني وترجعون ريوس شوي وتحلون الأسئله زين وترى مافيه اعاده ولا اقبل اي عذر لا من مستشفى حكومي ولا أهلي <<<متأثره بقوه
ــــــــــــــــــــــــــــــــــــــ 
العرض الشجري