الناس تتعب ياحبيبي وترتــاح
........................... وانا ثلاث سنين ماشفت راحه
وانته ولامـره تفكر بالإصلاح
........................... وإلا تكلمني كـلام الصراحه
يازين يكفي هالعذاب الذي راح
........................... الكلمه الــزينه تراها فراحه
سـبّاح تستاهل شهادات سـباح
........................... اغـرقتني وانا ادعي بالسباحه
ذوّقتني طـعم المراره والأملاح
........................... أشرب ملاح الما واخلي قراحه
حطيتني ياسـيّد البيض ملـواح
........................... ملــواح يلعب به كثير طياحه
أسير مع سير الهبايب والأرياح
........................... والناس تحسـبني بنعمه وراحه
دايم كذا سـواح مسراح مرواح
........................... والله غـريبه تقل راعي فلاحه
انزاح ماادري كـيف لبلاد تنزاح
........................... إلا تذكــرت الدلع والفصاحه
يازين انااعرف الخساير والأرباح
........................... واليوم الأسود باين من صباحه
لكـن مـاودي يقولون لي طـاح
........................... كم من جريح راح ينقل جراحه
العرض الشجري